Pane Tus i Aqane Lapa Itre Joxu

2 Hane hi la itre nekö i Isaraela: Reubena, me Simeona, me Levi, me Iudra, me Isakara, me Zebulona, 2 me Dana, me Iosefa, me Beniamina, me Nafatali, me Gada, me Asera.

3 Itre nekö i Iudra: Era, me Onana, me Sela. Nge ame la thine ne la köni nekö trahmany, ke nekö i Sua, ketre föe ne Kanana. Ngo hnei Era, lo pane nekö i Iudra, hna kuca la ngazo koi Iehova, matre hnei nyidëti* hna humuthi angeic. 4 Nge hnei Tamara tresi Iudra, hna hnahone la lue nekönatre trahmanyi koi Iudra: Farez me Zera. Matre traqa koi 5 lao nekö i Iudra trahmany.

5 Lue nekö i Farez: Hezerona me Hamula.

6 Itre nekö i Zera: Zimeri, me Ethana, me Heman, me Kalekol, me Dara. Ala 5 angatr.

7 Nekö i Karemi: Akara.* Hnei angeic hna axulune la hnëjin koi Isaraela, ke tha trongëne kö angeic la hna amekötin göne la itre trengamo nyine apatren.

8 Nekö i Ethana: Azaria.

9 Itre nekö i Hezerona: Ieramela, me Ram, me Kaluba.*

10 Ram la keme i Aminadaba. Nge Aminadaba la keme i Nasona, tane lo itre matra i Iudra. 11 Nasona la keme i Salema, nge Salema la keme i Boaza. 12 Boaza la keme i Obeda, nge Obeda la keme i Iese. 13 Hnei Iese hna hnaho Eliaba la ka tru, me Abinadab la hnaaluen, me Simea la hnaakönin, 14 me Nathaniela la hna 4, me Radai la hna 5, 15 me Ozema la hna 6, me Dravita la hna 7. 16 Nge Zeruia me Abigaila la lue xa i angatr. Itre nekö i Zeruia: Abisai, me Ioaba, me Asael, ala köni angatr. 17 Nge hnei Abigaila hna hnaho Amasa, nge Iethero qa Isamaela la keme i Amasa.

18 Hnei Kaleba* nekö i Hezerona, hna ce hnahone la itre nekö trahmanyi me Azuba ifënekö i angeic, me Ieriotha. Nge hane hi la itre nekö i eahlo: Iesera, me Sobab, me Aredon. 19 Matre ame hë la kola meci hnei Azuba, hnei Kaleba hmaca hna faipoipo me Eferatha, nge eahlo a hnahone pi la nekö trahmany: Hura. 20 Hnei Hura hna hnaho Uri, nge hnei Uri hna hnaho Bezaleli.

21 Thupene lai, hnei Hezerona hna ce meköl memine la nekö i Makiri jajiny, Makeri lo keme i Gileada. Nge nyidrëti a faipoipo jë me angeic, ngacama 60 hë lao macatre i nyidrë. Nge hnei angeic hna hnahone la nekö trahmany: Seguba. 22 Hnei Seguba hna hnaho Iaira, ka xome la 23 lao traon ngöne la nöje Gileada. 23 E thupen, hnene la angetre Gesuri, me Suria hna thapa la itre traon ne Havoth-iaira, me Kenatha, me itre hnepadro ezin, matre kola e la 60 lao traon. Angatre la itre matra i Makiri keme i Gileada.

24 Nge thupene la meci Hezerona e Kaleba-eferatha, hnei Abia ifënekö i Hezerona, hna hnaho nekö trahmany, ene Asura keme* i Tekoa.

25 Hane hi la itre nekö i Ieramela, pane nekö i Hezerona: Ram lo ka tru, me Buna, me Oren, me Ozema, me Ahia. 26 Nge hetre ketre föi Ieramela, Atara la ëjen. Hnei eahlo hna hnaho Onama. 27 Itre nekö i Ram, lo pane nekö i Ieramela: Maaz, me Iamina, me Ekera. 28 Lue nekö i Onama: Samai me Iada. Lue nekö i Samai: Nadaba me Abisura. 29 Abihaila la ëjene la ifënekö i Abisura, nge hnei eahlo hna hnahone la lue nekö trahmany: Aheban me Molid. 30 Lue nekö i Nadaba: Seled, me Apaim. Ngo meci ju kö Seled, nge pëkö nekö i angeice trahmany. 31 Nekö i Apaim: Ishi. Nge nekö i Ishi: Sesan. Nge nekö i Sesan: Ahelai. 32 Lue nekö i Iada jini Samai: Iethero me Ionathana. Ngo meci ju kö Iethero, nge pëkö nekö i angeic trahmany. 33 Lue nekö i Ionathana: Peleth me Zaza. Itre matra i Ieramela angatr.

34 Pëkö nekö i Sesan trahmany, ngo itre jajinyi hmekuje hi. Ngo hetre hlue i angeic trahmany, atre Aigupito, Iara la ëjen. 35 Matre hnei Sesan hna hamëne la ketre nekö i angeice jajinyi koi Iara, lo hlue i angeic. Nge hnene la nekö i angeic hna hnahone koi angeic la nekönatr trahmany: Atai. 36 Nge hnei Atai hna hnaho Nathana, nge hnei Nathana hna hnaho Zabad. 37 Nge hnei Zabad hna hnaho Efelal, nge hnei Efelal hna hnaho Obeda, 38 nge hnei Obeda hna hnaho Iehu, nge hnei Iehu hna hnaho Azaria. 39 Nge hnei Azaria hna hnaho Helez, nge hnei Helez hna hnaho Elasa. 40 Nge hnei Elasa hna hnaho Sisemai, nge hnei Sisemai hna hnaho Saluma. 41 Nge hnei Saluma hna hnaho Iekamia, nge hnei Iekamia hna hnaho Elisama.

42 Hane hi la itre nekö i Kaleba* trejine me Ieramela: Mesa la ka tru, keme i Zif, nge hnei angeice fe hna hnahon la itre nekö i Maresa, keme i Heberona. 43 Itre nekö i Heberona: Kora, me Tapua, me Rekem, me Sema. 44 Nge hnei Sema hna hnaho Raham, keme i Iorekeam. Nge hnei Rekem hna hnaho Samai. 45 Nekö i Samai: Maon. Nge Maon la keme i Bethezur. 46 Nge hnei Efa, ketre föi Kaleba, hna hnaho Karan, me Moza, me Gazez. Nge hnei Karan hna hnaho Gazez. 47 Itre nekö i Iadai: Regem, me Iotham, me Gesan, me Pelet, me Efa, me Saaf. 48 Hnei Maaka, ketre föi Kaleba, hna hnaho Seber me Tirehana. 49 E thupen, hnei eahlo hna hnaho Saaf keme i Mademan, me Seva keme i Makebena, me Gibea. Nge Akesa la nekö i Kaleba jajiny. 50 Itre matra i Kaleba asë angatr.

Hane hi la itre nekö i Huro, pane nekö i Eferatha: Sobala keme i Kiriatha-iarim, 51 me Salema keme i Bethe-leema, me Haref keme i Bethe-gader. 52 Nge hetre itre nekö i Sobala keme i Kiriatha-iarim: Haroe, me sine la lapa i angetre Manakatha. 53 Itre fami i Kiriatha-iarim: Angetre Iethero, me Puth, me Suma, me Misera. Ka xulu qathei angatre la angetre Zorea me Esetaol. 54 Itre nekö i Salema: Bethe-leema, me angetre Netofa, me Atarotha, me Bethe-ioaba, me sine la angetre Manakatha, me angetre Zorea. 55 Nge hane hi la itre fami i angetre cinyihan ka lapa e Iabez: Angetre Tira, me Simea, me Suka. Celë hi angetre Keni, ka xulu qaathei Hamath, qaaqaa i angetre Rekaba.