Numera

26 Thupene la akötre ka lepe la nöj, hnei Iehova hna qaja koi Mose me Eleazara, nekö i Arona atre huuj ka hape: 2 “E jë la etrune la angetre Isaraela, thenge la itre lapa i angatr, qaane ju hi la ka 20 lao macatre a tro draië; e jë la nöjei atr ka ijij troa sine la trongene isi i Isaraela.” 3 Ame hnei Mose me Eleazara atre huuj, hna ithanata kowe la nöj ngöne la hnapapa ne Moaba, ezine la hneopegejë Ioridrano, hmekun e Ieriko. Öni nyidroti jë hi: 4 “E jë la etrune la itre trahmany ka 20 lao macatre a tro draië, tune lo hnei Iehova hna ahnithe koi Mose.”

Hane hi la itre nekö i Isaraela trahmany ka lö qa Aigupito: 5 Reubena la pane nekö i Isaraela; ame la itre nekö i Reubena trahmany, ke: Enoka, nge qaathei angeic la lapa i angetre Enoka; me Palu, nge qaathei angeic la lapa i angetre Palu; 6 qaathei Hezerona la lapa i angetre Hezerona; nge qaathei Karemi la lapa i angetre Karemi; 7 celë hi la itre lapa ne la angetre Reubena; traqa koi 43 730 la itre hna e thei angatr.

8 Nge ame la nekö i Palu trahmany, ke Eliaba. 9 Nge ame la itre nekö i Eliaba trahmany, ke Nemuela, me Dathana, me Abirama. Dathana hi me Abirama la lue xaa tan ka icilekeu me Mose me Arona, memine lo itre sine xöle i Kora, lo angatr a icilekeu me Iehova.

10 Ame hna nganga* pi la ihnadro me ulumi angatr. Ngo ame Kora, me itre sine xöle i angeic, ke hna humuthi angatr hnine la eë, matre traqa koi 250 lao trahmanyi ka mec. Ame la tulu i angatr, ke nyine hmekë së. 11 Ngo mele ju kö la itre nekö i Kora trahmany.

12 Nge ame la itre nekö i Simeona trahmany, thenge la itre lapa i angatr, ke: qaathei Nemuela la lapa i angetre Nemuela; nge qaathei Iamina la lapa i angetre Iamina; nge qaathei Iakina la lapa i angetre Iakina; 13 nge qaathei Zera la lapa i angetre Zera; nge qaathei Saulo la lapa i angetre Saulo. 14 Celë hi la itre lapa ne la angetre Simeona: traqa koi 22 200.

15 Nge ame la itre nekö i Gada trahmany, thenge la itre lapa i angatr, ke: qaathei Zifiono la lapa i angetre Zifiono; nge qaathei Hagi la lapa i angetre Hagi; nge qaathei Suni la lapa i angetre Suni; 16 nge qaathei Ozeni la lapa i angetre Ozeni; nge qaathei Eri la lapa i angetre Eri; 17 nge qaathei Aroda la lapa i angetre Aroda; nge qaathei Areli la lapa i angetre Areli. 18 Hane hi la itre lapa ne la itre nekö i Gada trahmany; traqa koi 40 500 la itre hna e thei angatr.

19 Nge ame la lue nekö i Iudra trahmany, ke Era me Onana. Ngo hnei nyidroti hna mec ngöne la nöje Kanana. 20 Nge ame la itre nekö i Iudra trahmany, thenge la itre lapa i angatr, ke: qaathei Sela la lapa i angetre Sela; nge qaathei Farez la lapa i angetre Farez; nge qaathei Zera la lapa i angetre Zera. 21 Nge ame la itre nekö i Farez trahmany, ke: qaathei Hezerona la lapa i angetre Hezerona; nge qaathei Hamula la lapa i angetre Hamula. 22 Celë hi la itre lapa ne la angetre Iudra; traqa koi 76 500 la itre hna e thei angatr.

23 Nge ame la itre nekö i Isakara trahmany, thenge la itre lapa i angatr, ke: qaathei Tola la lapa i angetre Tola; nge qaathei Pua la lapa i angetre Pua; 24 nge qaathei Iasuba la lapa i angetre Iasuba; nge qaathei Simerona la lapa i angetre Simerona. 25 Celë hi la itre lapa ne la angetre Isakara; traqa koi 64 300 la itre hna e thei angatr.

26 Nge ame la itre nekö i Zebulona trahmany, thenge la itre lapa i angatr, ke: qaathei Sereda la lapa i angetre Sereda; nge qaathei Elona la lapa i angetre Elona; nge qaathei Ialela la lapa i angetre Ialela. 27 Celë hi la itre lapa ne la angetre Zebulona; traqa koi 60 500 la itre hna e thei angatr.

28 Nge ame la lue nekö i Iosefa trahmany, thenge la itre lapa i nyidro, ke Manase me Eferaima. 29 Nge ame la itre nekö i Manase trahmany ke: qaathei Makeri la lapa i angetre Makeri; nge Makeri la keme i Gileada; nge qaathei Gileada la lapa i angetre Gileada. 30 Hane hi la itre nekö i Gileada trahmany: qaathei Iezera la lapa i angetre Iezera; nge qaathei Heleka la lapa i angetre Heleka; 31 nge qaathei Aseriela la lapa i angetre Aseriela; nge qaathei Sekema la lapa i angetre Sekema; 32 nge qaathei Semida la lapa i angetre Semida; nge qaathei Hefera la lapa i angetre Hefera. 33 ame Zelofeada, nekö i Hefera, ke pëkö nekö i angeic trahmany, ngo itre jajinyi hi; ame la itre ëje i angatr ke: Mala, me Noa, me Hogela, me Mileka, me Tireza. 34 Celë hi la itre lapa i Manase; traqa koi 52 700 la itre hna e thei angatr.

35 Hane hi la itre nekö i Eferaima trahmany, thenge la itre lapa i angatr: qaathei Suthela la lapa i angetre Suthela; nge qaathei Bekera la lapa i angetre Bekera; nge qaathei Thana la lapa i angetre Thana. 36 Nge hane hi la itre nekö i Suthela trahmany: qaathei Erana la lapa i angetre Erana. 37 Celë hi la itre lapa ne la itre nekö i Eferaima trahmany; traqa koi 32 500 la itre hna e thei angatr. Angatre hi la itre nekö i Iosefa, thenge la itre lapa i angatr.

38 Ame la itre nekö i Beniamina trahmany, thenge la itre lapa i angatr, ke: qaathei Bela la lapa i angetre Bela; nge qaathei Asebala la lapa i angetre Asebala; nge qaathei Ahirama la lapa i angetre Ahirama; 39 nge qaathei Supima la lapa i angetre Supima; nge qaathei Hupima la lapa i angetre Hupima. 40 Nge ame la lue nekö i Bela trahmany, ke Areda me Naamana: qaathei Areda la lapa i angetre Areda; nge qaathei Naamana la lapa i angetre Naamana. 41 Celë hi la itre nekö i Beniamina trahmany, thenge la itre lapa i angatr; traqa koi 45 600 la itre hna e thei angatr.

42 Hane hi la itre nekö i Dana trahmany, thenge la itre lapa i angatr: qaathei Suhama la lapa i angetre Suhama. Celë hi la itre lapa i Dana, thenge la itre lapa i angatr. 43 Nge ame la itre hna e thene la itre lapa ne la angetre Suhama, ke traqa koi 64 400.

44 Nge ame la itre nekö i Iasera trahmany, thenge la itre lapa i angatr, ke: qaathei Iemina la lapa i angetre Iemina; nge qaathei Iesevi la lapa i angetre Iesevi; nge qaathei Beria la lapa i angetre Beria; 45 nge ame thene la itre nekö i Beria trahmany ke, qaathei Heberu la lapa i angetre Heberu; nge qaathei Malekiela la lapa i angetre Malekiela. 46 Nge Sera la ëjene la nekö i Asera jajiny. 47 Celë hi la itre lapa ne la itre nekö i Asera trahmany; traqa koi 53 400 la itre hna e thei angatr.

48 Nge ame la itre nekö i Nafatali trahmany, thenge la itre lapa i angatr, ke: qaathei Iazela la lapa i angetre Iazela; nge qaathei Guni la lapa i angetre Guni; 49 nge qaathei Iazera la lapa i angetre Iazera; nge qaathei Silema la lapa i angetre Silema. 50 Celë hi la itre lapa ne la angetre Nafatali, thenge la itre lapa i angatr; traqa koi 45 400 la itre hna e thei angatr.

51 Hane hi la etrune la angetre Isaraela hna e: Ala 601 730.

52 Thupene lai, öni Iehova koi Mose ka hape: 53 “Tro ha thawa la nöj koi angatre la, thenge la itre ëjen hna sija.” 54 Nge ame kowe la itre lapa ka tru, tro eö a atrune la edrö i angatr. Nge ame kowe la itre lapa ka co, tro eö a acone la edrö i angatr. Nge troa isa hamën kowe la lapa, la edrö ka ihmeku memine la etrune la itre atr hna e thei angatr. 55 Ngo tro pe a uthidrönegöti* göi troa thawa la nöj. Nge tro angatr a kepe edrö, thenge la itre ëjene la itre tribu ne la itre keme i angatr. 56 Tro ha isa thewe edrö thenge la hna uthidrönegöti,* me thenge la etrune la itre lapa.”

57 Hane hi la itre hna e thene la angetre Levi, thenge la itre lapa i angatr: qaathei Geresoma la lapa i angetre Geresoma; nge qaathei Kohatha la lapa i angetre Kohatha; nge qaathei Merari la lapa i angetre Merari. 58 Hane hi la itre lapa thene la angetre Levi: Lapa i angetre Lebeni, me lapa i angetre Heberona, me lapa i angetre Maheli, me lapa i angetre Musi, me lapa i angetre Kora.

Kohatha la keme i Amerama. 59 Nge ame la ëjene la föi Amerama ke Iokebeda; eahlo la nekö i Levi hna hnahon hnene la föi nyidrë e Aigupito. Ame koi Amerama, hnei Iokebeda hna hnaho Arona, me Mose, me Miriama xa i nyidro. 60 Nge Arona la keme i Nadaba, me Abiu, me Eleazara, me Ithamara. 61 Ngo meci hë Nadaba me Abiu, pine nyidro tro fë la eë hna wathebon koi Iehova.

62 Ame la etrune la itre trahmany ka ca treu a tro draië, ke traqa koi 23 000. Ngo tha hna ce e angatre kö memine la angetre Isaraela, ke pëkö edrö hna troa hamë angatr nyipine la angetre Isaraela.

63 Celë hi itre atr hna e hnei Mose me Eleazara atre huuj, ngöne lo nyidroti a e la etrune la angetre Isaraela ngöne la hnapapa ne Moaba, ezine la hneopegejë Ioridrano, hmekun e Ieriko. 64 Ngo pëkö ala casi thei angatr ka sine lo kola e hnei Mose me Arona atre huuj, la etrune la angetre Isaraela ngöne hnapapa ne Sinai. 65 Ke hnei Iehova lo hna qaja koi angatre ka hape: “Tro angatr asë hi a mec ngöne la hnapapa.” Matre pëkö ala casi e angatr ka mel, ngo Kaleba hi nekö i Iefune, me Iosua nekö i Nuna.