Salamo
Thatraqane la atre jumi traem; ngöne la nin: “The apatrene kö.” Mikitam* i Dravita. Ngöne la angeic a kötre Saulo kowe la ngönemenyi.
57 Epi kepe ni hnei nyipë, Akötresieti fe, kepe ni ju,
Ke eni a lapa zae thei nyipë,
Nge eni a zae fene la lue iape i nyipë uti hë la troa patre la itre akötr.
2 Eni a hë koi Akötresieti lo Ka Draië Catr,
Ene lo nyipi Akötresie, atre nyipune la itre akötreng.
3 Tro nyidrëti a upe qa hnengödrai la ixatua matre amele ni.
Tro nyidrëti a amenune la atr ka thel troa xolouthi ni. (Sela)
Tro Akötresieti a nue la thiina ka lolo* i nyidrë me nyipici i nyidrë.
4 Kola kanothi ni hnene la itre liona;
Ame la eni a meköl, kola lapa xötreithi ni hnene la itre atr ka pi öni ceitu me itre öni wael,
Nge ame la itre inyö i angatr, ke itre jo me ane pehna
Nge taua ka idrei la thineme i angatr.
5 Akötresieti fe, epi tro nyipëti a draië hune la itre hnengödrai;
Epi tro la lolo i nyipëti a haöthe la fene hnengödrai asë.
6 Ase hë angatr hnëkëne la ketre ifile thatraqane la lue cang;
Eni a wenini, pine la ehacene la akötr.
Hnei angatr hna si hnaop qëmekeng,
Ngo angatre hmaca kö la ka kei e kuhu hnin. (Sela)
7 Akötresieti fe, ka cile huti la hning,
Eje hi, ka cile huti la hning.
Eni a pi nyima me elo miuzik.
8 Lolonge fe, hlë jë.
Itre nyine elo miuzik ka hetre filen, hlë jë; nge arpe fe, hlë jë.
Eni a pi ahlëne la kaqa ne lai.
9 Iehova fe, tro ni a atrunyi nyipë nyipine la itre atr;
Tro ni a nyima atrunyi* nyipë nyipine la itre nöj.
10 Ke atraqatre la ihnimi nyipici i nyipë, nge draië kö ej hune la itre hnengödrai,
Nge ame la aqane mele nyipici i nyipë, ke ej a ketr la itre iaw.
11 Akötresieti fe, epi tro nyipëti a draië hune la itre hnengödrai;
Epi tro la lolo i nyipëti a haöthe la fene hnengödrai asë.