Salamo
Thatraqane la atre jumi traem; nyima ngöne: “Lili nyine amekunën.” Mikitam* i Dravita. Nyine inin. Ngöne lo angeic a ngaane la angetre Arama-Naharaimi me Arama-Zoba, nge Ioaba a traqa qa hna lep la 12 000 lao angetre Edroma ngöne la hnathupe Sotr.
60 Akötresieti fe, ase hë nyipëti nuetriji hun; nge hnei nyipëti hna akeine la trongene isi hun.
Hnei nyipëti hna elëhni koi hun, ngo ame enehila, epi kepe huni hmaca hnei nyipë!
2 Hnei nyipëti hna jumejume la fene hnengödrai; ame hnene ej hna thöni.
Acatrene hmaca jë la itre gaa thöni, ke ej a nyiqaane kei.
3 Hnei nyipëti hna axulun la itre akötr ka catr kowe la nöje i nyipë.
Hnei nyipëti hna thue ime huni la waina ka azimozimo hun.
4 Hamëne pi* kowe la itre ka xoue nyipëti la ketre hatren
Matre tro angatr a kötr me neëne la itre ane pehna.* (Sela)
5 Amele huni pi hnene la ime maca i nyipë,
Nge sa jë koi hun matre mele pi la itre hnimina i nyipë.
6 Jëne la ehmitrötre* i Akötresie, hnei nyidrëti hna qaja ka hape:
“Tro hë ni a elitrauj hnei madrin, me hamë Sekema nyine edrö,
Nge tro hë ni a tuluth la Hnathup e Sukotha.
8 Moaba la itrap hnë sieng.
Thei Edroma, tro ni a kuiëne la ibutreng.
Thei Filisiti, tro ni a sue madrin.”
9 Drei la ka troa tro sai ni kowe la traon hna cile kanoth* hnene la itre ithupëjia?
Drei la ka troa xomi ni a tro Edroma?
10 Hapeu, tha nyipëti kö Akötresie?
Lo Akötresie atre nuetriji hun memine la itre trongene isi hun?
11 Xatua huni jë ngöne la akötre hun,
Ke ka gufa la iamele* qaathene la atr.
12 Tro huni a kapa la trengecatr qaathei Akötresie,
Nge tro nyidrëti a wajawaja la itre ithupëjia hun.