Salamo

Atrunyi Iehova jë, epun itre hlue i nyidrë,

Atrune jë la ëje i Iehova.

 2 Epi troa atrune la ëje i Iehova

Qaane enehila nge uti hë epine palua.

 3 Qa ngöne la hna fetra hnei jö uti hë la hna lö hnei jö,

Loi e troa atrune la ëje i Iehova.

 4 Ka draië kö Iehova hune la nöjei nöj asë;

Ej e hune la itre hnengödrai la lolo i nyidrë.

 5 Drei la ka tui Iehova Akötresi së,

Lo atre lapa* e koho?

 6 Nyidrëti a thil matre goeëne la hnengödrai memine la ihnadro,

 7 Nyidrëti a amejëne la hna wangacon qa ngöne la xaxau.

Nyidrëti a adraiëne la ka pë ewekë qa ngöne la hnatresij*

 8 Matre alapa angeic memine la itre he ne nöj,

Lo itre he ne nöje i nyidrë.

 9 Nyidrëti a thue umane la föe ka tha hnaho

Nge madrine hë eahlo nyipine la itre nekö* i eahlo.