Salamo
Salamo i Dravita, ngöne la kola kötre Abasaloma nekö i angeic.
3 Iehova fe, hnauëne laka, ala nyimu catre hë la itre ithupëjiang?
Hnauëne laka, nyimutre la itre atr ka cil koi ni?
2 Tru hnei atr ka qeje ni me hape:
“Tha tro kö Akötresieti a amele angeic.” (Sela)*
3 Ngo Iehova fe, nyipëti la petr xötreithi ni,
Me lolong, atre adraiëne la heng.
4 Tro ni a hë draië Iehova,
Nge tro nyidrëti a sa koi ni qa ngöne la wetr ka hmitrötre i nyidrë. (Sela)
5 Tro ni a saaju me meköl;
Nge tro hmaca kö ni a hlë ngöne la tingeting,
Ke tro pala kö Iehova a sajuë ni.
6 Tha tro kö ni a xouen la itre atr ka ala nyimu catr
Itre ka ce uti koi ni.
7 Iehova fe, mejë jë! Nge Akötresinge fe, amele ni jë!
Ke tro nyipëti a jenge la që ne la nöjei ithupëjiang;
Tro nyipëti a thë la itre inyö ne la itre atr ka ngazo.
8 Ke thei Iehova la iamele.*
Eje hune la nöje i nyipë la manathith. (Sela)