Salamo

92 Akötresieti Ka Draië Catre fe, ka loi la troa olene koi Iehova

Me atrune la ëje i nyipë jëne la itre nyima,*

 2 Me qaja trongëne la ihnimi nyipici i nyipëti e hmakany

Memine la nyipici i nyipëti e jidr,

 3 Cememine la itre nyine elo miuzik ka 10 lao filen me ihoho,

Memine la mejene arp.

 4 Ke Iehova fe, hnei nyipëti hna amadrinë ni jëne la itre huliwa i nyipë;

Ke eni a sue madrin qëmekene la itre huliwa ne la lue ime i nyipë.

 6 Ame la atr ka pë inamacan, thatreine kö angeic atrepengön itre ej;

Nge ame la hmo, thatreine kö angeic trotrohnin la itre ewekë celë:

 7 Ame la itre atr ka ngazo a cia tune la hnënge haö

Nge kola eng la angetre kuca la ngazo,

Kolo hi lai a hape, tro ha apatrene palua angatr.

 9 Haawe Iehova fe, goeëne ju la kola akeine la itre ithupëjia me nyipë,

Goeëne ju la kola mec la itre ithupëjia me nyipë;

Tro ha isa ijene la itre ka kuca la ngazo.

10 Ngo tro kö nyipëti a thue trengecatreng* tune la kau wael;

Tro ni a köle la ngönetreing hnei oel ka menyik.

11 Tro ni a goeëne la kola akeine la itre ithupëjiang;

Tro la lue hnangenyëng a dreng la kola akeine la itre atr ka ngazo ka cile koi ni.

12 Ngo tro la itre ka meköt a eng tune la pama

Me cia draië tune la sinöe arasi ne Lebanona.

13 Hna traa angatr ngöne la uma i Iehova;

Angatr a eng ngöne la itre ikur ne la uma ne la Akötresi së.

14 Ngacama qatre hë angatr, ngo tro angatr a kökötre lolo;

Tro pala hi angatr a egöcatr me pepeija,

15 Tro hë angatr a qaja trongëne ka hape, ka meköti Iehova.