Salamo
Thatraqane la atre jumi traem; nyine nyiman cememine la itre nyine elo miuzik ka hetre filen thenge la nin, Seminith.* Salamo i Dravita.
6 Iehova fe, the haji ni kö ngöne la nyipëti a elëhni,
Nge the ameköti ni kö ngöne la nyipëti a wesitr.
2 Iehova fe, epi kepe* ni hnei nyipë, ke kucakuca ha ni.
Iehova fe, epi tro nyipëti a ameunyi ni, ke kola hmengöhmengön la itre juneng.
3 Eje hi, hleuhleu catre ni,
Matre Iehova fe, eni a hnyingë nyipë, uti hë eu la tro ni a xomihnine lai?
4 Iehova fe, bëeke hmaca jë troa amele ni;
Amele ni jë pine la ihnimi nyipici i nyipë.
6 Hmanono hë ni hna treij;
Ngöne la jidr ka pexej, eni a ahmuhmune la iling hnei trenge timidra;
Cabi asë hë la igöhneng hnene la itre treijeng.
7 Genyi hë la luemekeng, ke hleuhleu catre ni;
Kucakuca ha* lue ej, pine la itre ka methinë ni.
8 Iananyi pi me eni, epuni asë itre ka kuca la ngazo,
Ke tro Iehova a dreng la mejen la itre treijeng.
9 Tro kö Iehova a dreng la sipong;
Tro kö Iehova a kapa la thithing.
10 Ke tro ha axouen me thaipiën asë la itre ithupëjiang;
Tro hë angatr a canga kötr me hmahma.