Salamo

 2 Loi e tro la thithing a tune la ka pui lolo hna hnëkën qëmekei nyipë,

Nge tro la lue imeng hna adraiën a tune la huuj ne wene feja hna huujën e hej.

 3 Iehova fe, acilëne jë la atre thup troa thupëne la qëng,

Me itre ka hmekëne la qëhnelö ne la ukeineqëng.

 4 The nue kö la hning troa kei thenge la itre ewekë ka ngazo,

Matre tha tro kö ni a hane sine la itre huliwa ka sis memine la itre atr ka ngazo;

Tha tro jë kö ni a hane madrin kowe la itre xeni angatr ka lolo.

 5 Maine tro la atr ka meköt a lepi ni, ketre hatrene ihnimi nyipici hi lai;

Maine tro angeic a haji ni, ke tro lai a tune la oel hna neng hune la heng,

Nge tha tro jë kö la heng a xelen.

 6 Tro ha ukapiëne la itre ka ameköti angatr qa hune la git,

Ngo tro la itre atr a drenge hnyawane la itre trengewekëng, ke lolo itre ej.

 7 Tune lo kola uja dro me xemetrën,

Hna isa ijene la itre june së qëmekene la ulane la Hua.*

 9 Thupë ni ju qa ngöne la ecatrene la itre theth hnei angatr hna traane koi ni,

Me itre hnö ne la itre atr ka kuca la ngazo.

10 Tro asë hi la itre atr ka ngazo a jötr ngöne la itre sipu ifile i angatr

Ngo ame kö ni, tro ni a tro nge pëkö hnenge hna xouen.