Isaia

64 Maine tro hi nyipëti a kuie zezene la hnengödrai me ut,

Nge kola enienij la itre wetr,

 2 Tune la eë a manithe la itre wanapalaman,

Me aboelëne la tim,

Tro hë la itre ithupëjia me nyipë a atre la ëje i nyipë,

Nge tro la nöjei nöj a hmengöhmengön qëmekei nyipë!

 3 Ame lo nyipëti a kuca la itre ewekë nyine hain lo hne huni hna tha mekun,

Hnei nyipëti hna ut, nge hna hmengöhmengöne la itre wetr qëmekei nyipë.

 4 Pëkö ca atr ka hane dreng me atre la ewekë cili,

Pëkö ca alamek ka öhn la ketre Akötresie ka tui nyipë,

Atre huliwa tratraqane la itre ka lapa treqe nyidrë.

 5 Hnei nyipëti hna ixelë memine la itre atr ka kuca la ewekë ka meköt hnene la hni ka madrin,

Lo itre ka meku nyipë me trongëne la itre jë i nyipë.

Hnei nyipëti hna elëhni la eahuni a kuca lapaan la ngazo,

Nge qea ha la hne huni hna kuca lai.

 6 Nge ceitu huni asë memine la ketre atr ka pui ngazo,

Nge ame la nöjei thiina ka meköti hun kösë sine maano ka si madra hnene lo meci föe.

Tro huni asë a fitr tune la ketre dröne hnitr,

Nge tro ha ufetriji hun hnene la itre ngazo hun, tune la kola ufe hnei eny.

 7 Pëkö atr ka hëne la ëje i nyipë,

Pëkö ala cas ka tupath troa cipa nyipë,

Ke hnei nyipëti hna nuetriji* hun,

Me akucakucanyi hun pine* la itre ngazo hun.

Eahuni la dro ka fedr, nge nyipëti la Atre Xupi Inege;

Eahuni asë hi la huliwa ne la lue ime i nyipë.

 9 Matre Iehova fe, the elëhni catre kö,

Nge the mekune kö la itre ngazo hun epine palua.

Hnapapa ha Ziona,

Hnitre hë Ierusalema.

11 Ase hë manith

La uma* huni ka hmitrötr me ka lolo,*

Lo hna atrunyi nyipë hnene la itre qaaqaa hun,

Nge itre itra etë pë hë la nöjei ewekë hne huni hna hnime catrën.