Pane Tus i Aqane Lapa Itre Joxu

25 Nge hnei Dravita fe me itre xa tixe ne lapa, hna ketre amë kö la itre xa nekö i Asafa, me Heman, me Ieduthun, troa perofetan memine la itre arp, me itre nyine elo miuzik ka hetre filen, me itre sëbal. Hane hi la ëjene la itre atre hna acil kowe la huliwa cili: 2 Thene la itre nekö i Asafa, Zakuri, me Iosefa, me Nethania, me Asarala. Hna elemekene la itre nekö i Asafa hnei Asafa kö, ka perofeta thenge la hna amekötin hnei joxu. 3 Thei Ieduthun, itre nekö i Ieduthun: Gedalia, me Zeri, me Isaia, me Simei, me Hasabia, me Matathia; ala 6 angatr. Hna elemekei angatr hnei Ieduthun keme i angatr, lo ka perofetan memine la arp, göi troa ole me atrunyi Iehova. 4 Thei Heman, itre nekö i Heman: Bukia, me Matania, me Uziela, me Sebuela, me Ieremoth, me Hanania, me Hanani me Eliatha, me Gidaleti, me Romametiezera, me Iosebekasa, me Malothi, me Hothir, me Mahazioth. 5 Angatre hi la itre nekö i Heman, lo atre qeje pu koi joxu göne la itre huliwa ne la nyipi Akötresie, me atre atrunyi* nyidrë. Matre hnene la nyipi Akötresie hna hamë Heman la 14 lao nekö trahmany, me 3 lae jajiny. 6 Hna elemekei angatr asë hnene la keme i angatr, troa nyima hnine la uma i Iehova, me itre sëbal, me itre nyine elo miuzik ka hetre filen, me arp. Celë hi huliwa i angatr hnine la uma ne la nyipi Akötresie.

Nge ame Asafa, me Ieduthun, me Heman, ke angatr fene la musi joxu.

7 Itre ka atreine nyima asë hi angatr, me itre trejin me angatr, itre ka majemine nyima koi Iehova. Ala 288 angatr. 8 Angatr a uthi trikitri jë troa isa thewe hnëqan. Hna kuca tun kowe la itre ka co me ka tru, me kowe la itre ka atreine nyima, me kowe la ka inin.

9 Hna pane eatre la hna uthi trikitr* koi Iosefa nekö i Asafa. Nge Gedalia la hnaaluen (ala 12 angatr, angeic me itre trejin me angeic, me ha nekö i angeice trahmany); 10 Nge ame la hnaakönin, ke Zakuri me itre nekö i angeic, me itre trejin me angeic, ala 12 angatr; 11 Nge ame la hna 4, ke Iezera me itre nekö i angeic, me itre trejin me angeic, ala 12 angatr; 12 Nge ame la hna 5, ke Nethania me itre nekö i angeic, me itre trejin me angeic, ala 12 angatr; 13 Nge ame la hna 6, ke Bukia me itre nekö i angeic, me itre trejin me angeic, ala 12 angatr; 14 Nge ame la hna 7, ke Iesarela me itre nekö i angeic, me itre trejin me angeic, ala 12 angatr; 15 Nge ame la hna 8, ke Isaia me itre nekö i angeic, me itre trejin me angeic, ala 12 angatr; 16 Nge ame la hna 9, ke Matania me itre nekö i angeic, me itre trejin me angeic, ala 12 angatr; 17 Nge ame la hna 10, ke Simei me itre nekö i angeic, me itre trejin me angeic, ala 12 angatr; 18 Nge ame la hna 11, ke Azareela me itre nekö i angeic, me itre trejin me angeic, ala 12 angatr; 19 Nge ame la hna 12, ke Hasabia me itre nekö i angeic, me itre trejin me angeic, ala 12 angatr; 20 Nge ame la hna 13, ke Sebuela me itre nekö i angeic, me itre trejin me angeic, ala 12 angatr; 21 Nge ame la hna 14, ke Matathia me itre nekö i angeic, me itre trejin me angeic, ala 12 angatr; 22 Nge ame la hna 15, ke Ieremoth me itre nekö i angeic, me itre trejin me angeic, ala 12 angatr; 23 Nge ame la hna 16, ke Hanania me itre nekö i angeic, me itre trejin me angeic, ala 12 angatr; 24 Nge ame la hna 17, ke Iosebekasa me itre nekö i angeic, me itre trejin me angeic, ala 12 angatr; 25 Nge ame la hna 18, ke Hanani me itre nekö i angeic, me itre trejin me angeic, ala 12 angatr; 26 Nge ame la hna 19, ke Malothi me itre nekö i angeic, me itre trejin me angeic, ala 12 angatr; 27 Nge ame la hna 20, ke Eliatha me itre nekö i angeic, me itre trejin me angeic, ala 12 angatr; 28 Nge ame la hna 21, ke Hothir me itre nekö i angeic, me itre trejin me angeic, ala 12 angatr; 29 Nge ame la naba 22, ke Gidaleti me itre nekö i angeic, me itre trejin me angeic, ala 12 angatr; 30 Nge ame la hna 23, ke Mahazioth me itre nekö i angeic, me itre trejin me angeic, ala 12 angatr; 31 Nge ame la hna 24, ke Romameti-ezera me itre nekö i angeic, me itre trejin me angeic, ala 12 angatr.