Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • 1 Itre Joxu 14
  • Tusi Hmitrötr Fene Ka Hnyipixe Hna Ujën

Aucune vidéo disponible pour cette sélection.

Désolé, il y a eu une erreur lors du chargement de la vidéo.

1 Itre Joxu 14:5

Ithuemacany

  • *

    Maine, “tro eö a qaja la, maine tune la.”

1 Itre Joxu 14:9

Ithuemacany

  • *

    Maine, “fao hna ahmun.”

1 Itre Joxu 14:10

Ithuemacany

  • *

    Heb., “nöjei atre zijë ngöne uma.” Trengewekë qene heberu ne imethinë, nyine qeje trahmany.

1 Itre Joxu 14:15

Ithuemacany

  • *

    Ene Euferata.

  • *

    Wange ju la HQP.

1 Itre Joxu 14:21

Index

  • Guide de recherche

    Ita Ne Thup,

    15/12/2011, götrane 2

1 Itre Joxu 14:23

Ithuemacany

  • *

    Wange ju la HQP.

1 Itre Joxu 14:27

Ithuemacany

  • *

    Heb., “ka nyinyap.”

1 Itre Joxu 14:31

Ithuemacany

  • *

    Hna hëne fe ka hape, Abia.

  • Tusi Hmitrötr Fene Ka Hnyipixe Hna Ujën
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
Tusi Hmitrötr Fene Ka Hnyipixe Hna Ujën
1 Itre Joxu 14:1-31

Pane Tusi Itre Joxu

14 Ngöne la ijine cili, wezipo ju hi Abia nekö i Ieroboama. 2 Ame hnei Ieroboama hna qaja kowe la föi angeic ka hape: “Pane nyi ha ju, matre tha tro kö a wangatrehmekune ka hape, föenge nyipo. Thupene lai, tro jë e Shilo, ke perofeta Ahia e cili. Nyidrë la ka qaja ka hape, tro ni a joxu ne la nöje celë. 3 Xome trongëne jë nyipo la 10 lao falawa, me itre gato, me ca trenge miel, nge tro jë hë koi nyidrë. Nge tro hë nyidrëti a qaja la pun kowe la nekö i nyiso.”

4 Matre hnene la föi Ieroboama hna kuca asë tune lo hnei nyidrë hna qaja. Eahlo a hnëkë jë, me tro koi Ahia e Shilo. Ngo qatre hë Ahia nge ti hë la luemeke i nyidrë.

5 Öni Iehova koi Ahia: “Tro la föi Ieroboama a traqa troa hnyinge koi eö, göne la nekö i angeic ka wezipo. Tro pë hë ni a qaja koi eö la nyine tro eö a sa.* Ngo tro angeic a traqa nge ka nyi ha.”

6 Ame ju hi la Ahia a drei eahlo e traqa, canga öni nyidrëti jë hi: “Lö jë ifënekö i Ieroboama, hnauëne laka nyipoti a nyi ha? Hnei Akötresie hna upi ni troa tro fë la maca ka catre koi nyipo. 7 Tro jë nyipoti a qaja koi Ieroboama ka hape, ‘Hane hi la hna qaja hnei Iehova Akötresi Isaraela: “Eni la ka ië eö nyipine la itre atr ne la nöj, matre tro eö a joxu ne la nöjeng Isaraela. 8 Thupene lai, hnenge hna thapa la baselaia qaathene la fami i Dravita, me hamë eö. Ngo tha hnei eö kö hna tui Dravita hlueng, atre metrötrëne la itre wathebong, me nyihlueng qa kuhu hni, me kuca hmekuje hi la ka meköti koi ni. 9 Ngo ame eö, ngazo catre kö la thiina i ö hune la itre ka tro pa, hnei eö hna kuci ketre haze, me itre hnasaatr fao,* matre amejëne la trenge hning. Nge hnei eö hna trotriji ni. 10 Celë hi matre eni a axulune la akötr kowe la fami i Ieroboama. Nge tro ni a apatrene la nöjei trahmany* ne la hnalapa i angeic, uti fe hë la ka co e Isaraela. Tro ni a burumëne hnyawa la fami angeic, tune la aqane burumëne la agetri öni, matre patre hnyawa pi! 11 Ame la nöjei atrene la fami i Ieroboama ka troa mec hnine la traon, tro la itre kuli a öni angatr. Nge ame la itre ka mec hnine la itre hlapa, tro la itre waco a öni angatr. Iehova la ka qaja.”’

12 “Enehila, bëeke jë hë, nge ame hë la nyipoti a lö hnine la traon, tro la nekö i nyipoti a mec. 13 Tro la traon a hnë meci nyën, me kelemi nyën, ke hnine la fami Ieroboama, nyëne hi la hna troa amë ngöne la hua. Eje hi, hnine la fami i Ieroboama, nyëne hmekuje hi la hnei Iehova Akötresi Isaraela hna öhnyi loi. 14 Tro Iehova a ië joxu troa musi koi Isaraela, nge tro la joxu a lep apatrene la fami i Ieroboama, qaane la drai celë, nge enehila hi. 15 Tro Iehova a lepi Isaraela, nge tro hë ej a tune la hainy ka enij ngöne la tim. Tro nyidrëti a fejetriji Isaraela qa ngöne la traon hnei nyidrëti hna hamën koi itre qaaqaa i angatr. Nge tro nyidrëti a lepe ijene la angetre Isaraela, tröne la Hneopegejë,* ke hnei angatr hna akötrë Iehova me acili sine feni ka hmitrötr.* 16 Nge tro nyidrëti a nuaxöji Isaraela, pine la itre ngazo i Ieroboama, me itre ngazo hnei angeic hna uku angetre Isaraela troa kuca.”

17 Ame hnene la föi Ieroboama hna bëek a tro Tireza, nge ame ju hi la angeic a lö kowe la uma i angeic, meci ju hi la nekö i angeic. 18 Hna kelemi nyën, nge hnei Isaraela asë hna hnë meci nyën, tune lo aqane qaja i Iehova jëne Ahia perofeta, lo hlue i nyidrë.

19 Nge ame la mele i Ieroboama me nöjei isi me musi nyidrë, hna fejan asë hnine la itus ne la mele ne la itre joxu ne Isaraela. 20 Hnei Ieroboama hna musi koi 22 lao macatre, nge nyidrë a meköle ju me itre qaaqaa i nyidrë ngöne la mec. Ame hnei Nadaba nekö i nyidrë hna nyihna i nyidrë troa mus.

21 Nge ame Reoboama nekö i Solomona, hnei nyidrëti hna joxu ne Iudra. Kola 41 lao macatre i Reoboama la nyidrëti a joxu, nge 17 lao macatre ne musi nyidrë e Ierusalema, lo traon hnei Iehova hna iën nyipine la itre tribu ne Isaraela, matre amë la ëje i nyidrë. Naama qa Amona la thine i Reoboama. 22 Angetre Iudra a kuca la ngazo koi Iehova, me amejëne la trenge hni i nyidrë, matre tru catre kö la elëhni Iehova koi angatr, hune lo itre qaaqaa i angatr ekö. 23 Angatre fe a kuci hnë hmi gaa hmitrötr, me acile la itre ipoto etë ka hmitrötr, me itre sine feni ka hmitrötr* hune la nöjei sasala, me fene la nöjei sinöe ka cia hlöeë. 24 Nge hetrenyi fe ngöne la nöj, la itre trahmanyi ka salemë ngönetrei thatraqane la hmi. Nge hnene la angetre Iudra hna xome la itre thiina ka sis ne itre nöj hnei Iehova hna helëne qa lai, me hamën kowe la angetre Isaraela.

25 Ngöne la kola 5 lao macatre ne musi Reoboama, hnei Sisaka joxu ne Aigupito, hna isi me Ierusalema. 26 Angeic a thapa pi la itre trengamo hnine la uma ne hmi i Iehova, me itre trengamo hnine la hnalapa i joxu. Angeic a xom asë jë, uti fe hë la itre petre gool hnei Solomona hna kuca. 27 Matre hnei Reoboama hna nyihnane la itre petre cili hnei itre petre kopa, nge nyidrëti a hamëne pi kowe la tane la itre ka thup,* itre ka thupëne la qëhnelö ne la hnalapa i joxu. 28 E nöjei ijine traqa la joxu hnine la uma ne hmi i Iehova, itre ka thup a cile fë la itre petr. Thupene lai, angatr a amë hmaca pi hnine la hnahag ne thup.

29 Nge ame la mele i Reoboama me nöjei huliwa i nyidrë, hna fejan asë hnine la itusi ne la mele ne la itre joxu ne Iudra. 30 Tha mano kö Reoboama me Ieroboama isi. 31 Ame hnei Reoboama hna meköle me itre qaaqaa i nyidrë ngöne la mec, nge hna kelemi nyidrë me itre qaaqaa i nyidrë ngöne la Traone i Dravita. Naama qa Amona la thine i nyidrë. Nge hna acili joxu Abiama* nekö i nyidrë troa nyihna i nyidrë.

Itre Itus Qene Drehu (1997-2025)
Tha Connecter
Connecter
  • Drehu
  • Iupi fë
  • Hna ajan
  • Copyright © 2025 Watch Tower Bible and Tract Society of Pennsylvania
  • Itre Hna Amekötin
  • Pengöne La Ka Thele Ithuemacany
  • Hna amekötin
  • JW.ORG
  • Connecter
Iupi fë