Iosua
12 Hane hi la itre joxu hna lepe hnene la angetre Isaraela, me itre nöje hnei angatre hna thapa, ngöne la götrane koië ne la hneopegejë Ioridrano, qa ngöne la hnathup e Arenona* uti hë la wetre Heremona, memine la Araba asë e koië: 2 ene Sihona joxu i angetre Amora ka mel e Hesebona. Ka musi angeic e Aroera ngöne la gaa utiut ne la hnathup e Arenona, me e kuhu nyipine la hnathup, me ngöne la ketre sine la nöje Gileada uti hë la hnathup* e Iaboka, lo ifego memine la angetre Amona. 3 Angeice fe a musi kowe la Araba uti hë la hnagejë ne Kinereth* e koië, nge uti hë la hnagejë ne la Araba lo Hnagejë Sotr* e koië, lo ka qëmek a tro Beth-Iesimoth, nge e kolojë fene la itre gaa utiut ne la wetre Pisega.
4 Hnene fe la angetre Isaraela hna thapa la itre götran i Oga joxu ne Basana, ketre atre Refai ka mele pe, nge ka lapa e Aseterotha me Ederei. 5 Hnei Oga hna mus ngöne la götrane ka tro qa ngöne la wetre Heremona a tro Saleka, me ngöne la Basana asë, nge uti hë la ifego ne la angetre Gesuri me Maka, ngöne la ketre sine la nöje Gileada, uti hë la götrane i Sihona joxu ne Hesebona.
6 Mose hlue i Iehova me angetre Isaraela, la ka lepe la itre joxu cili. Thupene lai, hnei Mose hlue i Iehova hna hamën la itre götran ne la itre joxu cili kowe la angetre Reubena, me angetre Gada, me kowe la sine la tribu i Manase.
7 Hane hi la itre joxu hnei Iosua me angetre Isaraela hna lep, ngöne la götrane kuë ne la hneopegejë Ioridrano, qa Baala-Gada ngöne la hnathup e Lebanona uti hë la wetre Halaka, lo ka elë a tro Seira. Thupene la hna lepi angatr, hnei Iosua hna hamën la itre götrane i angatr kowe la itre tribu ne Isaraela, me isa thewe götrane i angatr. 8 Ame la itre götrane hna qaja, ke ene la itre wetr memine la Sefela, me Araba, me itre gaa utiut ne la itre wetr, memine la hnapapa, me Negeb. Celë hi itre götran ne la angetre Heth, memine la angetre Amora, me angetre Kanana, me angetre Perizi, me angetre Hivi, me angetre Iebuzi. Hane hi la itre joxu cili:
9 Joxu ne Ieriko; joxu ne Ai, lo ka lapa ezin e Bethela;
10 joxu ne Ierusalema; joxu ne Herebona;
11 joxu ne Iamuth; joxu ne Lakisa;
12 joxu ne Egelona; joxu ne Gezera;
13 joxu ne Debira; joxu ne Gedera;
14 joxu ne Horema; joxu ne Arada;
15 joxu ne Libena; joxu ne Adulama;
16 joxu ne Makeda; joxu ne Bethela;
17 joxu ne Tapua; joxu ne Hefera;
18 joxu ne Afeka; joxu ne Lasarona;
19 joxu ne Madon; joxu ne Hazora;
20 joxu ne Simerona-Merona; joxu ne Akesafa;
21 joxu ne Tanaka; joxu ne Megido;
22 joxu ne Kadesi; joxu ne Iokeneama qa Karemela;
23 joxu ne Dora, ngöne la itre sasala ne Dora; joxu ne Goim qa Gilegala;
24 joxu ne Tireza; haawe: traqa koi 31 lao joxu.