Salamo
Thatraqane la atre jumi traem; nyine nyima cememine la itre nyine elo miuzik ka hetre filen. Qaathei Dravita.
61 Akötresieti fe, drenge ju la eni a sipo ixatua.
Hnangenyëne ju la thithing.
2 Ame la kola hleuhleu* la hning
Eni a hë koi nyipë qa ngöne la itre cane la fene hnengödrai.
Ee ni jë kowe la itre git ka draië kö hung.
3 Ke nyipëti la hnapong,
Me ita ne thup ka catr, ka thupë ni qa ngöne la ithupëjia.
4 Eni a ajan troa hë ni kowe la itate i nyipë uti hë epine palua;
Eni a ajan troa zae fene la lue iape i nyipë. (Sela)
5 Ke Akötresieti fe, drenge hë nyipë la itre hnenge hna sisiny.
Hnei nyipëti hna hamë ni la edrö hna hnëkën thatraqane la itre ka xouene la ëje i nyipë.
6 Tro hë nyipëti a nyixane la itre drai* ne la joxu,
Nge tro hë la itre macatre i angeic a cile huti ngöne la nöjei xötre atr.
7 Nge qëmekei Akötresie, tro hë angeic a lapane la therone i angeic epine palua;
Epi tro nyipëti a amamane* la ihnimi* nyipë koi angeic memine la aqane mele nyipici i nyipë, matre tro lue ej a thupë angeic.
8 Qa ngöne lai, tro hë ni a atrune palua la ëje i nyipë hnene la itre nyima*
Nge e nöjei drai, tro pala hi ni a eatrën la hnenge hna sisiny.