Itre Edromë
31 Trengewekë i Lemuela joxu, ketre maca ka nyipiewekë qaathene la thine i nyidrë matre ini nyidrë:
2 Tro na qeje nemene koi ö neköng?
Nemene la hnenge hna troa qaja koi ö neköng hnenge hna hnahon?
Nge nemene la hnenge hna troa qaja koi ö neköng hnenge hna sisinyi fë?
3 The aluzine kö la trengecatre i ö kowe la itre föe,
The xome kö la thiina ka akeine la itre joxu.
4 Lemuela, tha qanyine kö la itre joxu,
Tha qanyine kö la itre joxu troa iji waina
Me itre he ne nöj troa qaja ka hape: “Pane thue imeng!”
5 Wanga tro angatr a ij me thëthëhmine la wathebo
Nge tro hë angatr a cipane la itre emekötine la itre ka co.
6 Thue kahaitre jë kowe la itre ka troa mec
Me waina kowe la itre ka xomi akötrëne la mele i angatr.
7 Loi e tro angatr a ij me thëthëhmin laka, angatr a mel ngöne la pë;
Loi e tro angatr a thëthëhmine la itre akötre i angatr.
8 Ithanata jë thatraqane la ka hum;
Isigöline jë la emekötine la itre ka troa mec.
9 Ithanata jë nge amekötine jë cememine la meköt;
Isigöline* jë la emekötine la itre ka co nge ka pë ewekë.
א [Aleph]
10 Drei la ka atreine öhne la föe ka loi thiina?*
Sisitria kö eahlo hune la itre korai.*
ב [Beth]
11 Föi eahlo a mejiune catr koi eahlo,
Nge hetrenyi asë hi nyidrë.
ג [Gimel]
12 Eahlo a kuca la loi matre olene koi nyidrë,
Tha eahlo kö a akötrë nyidrë ngöne la nöjei drai ne mele eahlo.
ד [Daleth]
13 Eahlo a thele drela me lino;
Aja i eahlo troa huliwane la lue iwanakoime i eahlo.
ה [He]
14 Ceitu i eahlo memine la itre he ne la itre ka salem,
Eahlo a traqa fë xeni qa gaa nany.
ו [Waw]
15 Ketre, eahlo a canga ilë nge jidri pala kö,
Eahlo a ithuane la fami i eahlo
Me itre hlue i eahlo.
ז [Zayin]
16 Eahlo a mekun troa hetre hlapa me itön ej;
Jëne la thupen* hnei eahlo hna kapa, eahlo a traa vin.
ח [Heth]
17 Eahlo a hnëkë troa kuca la ketre huliwa* ka tru,
Nge eahlo a aegöcatrene la lue iwanakoime i eahlo.
ט [Teth]
18 Öhne hi eahlo laka, kola tro loi la itre huliwa ne itö me salem* i eahlo;
Tha hane kö pi la laame i eahlo e jidr.
י [Yod]
19 Lue iwanakoime i eahlo a ea la sinöe hna ewa drelan,
Nge eahlo kö a ketre kuca la itre fil i eahlo.
כ [Kaph]
20 Eahlo a li im kowe la ka co,
Me hamën atrun* kowe la ka pë ewekë.
ל [Lamed]
21 Tha eahlo kö a seseu kowe la fami i eahlo pine la kiona,
Ke hna heetrën asë hi la fami i eahlo hnei iheetr ka keukawa.*
מ [Mem]
22 Eahlo kö la ka can la itre ibalaiketre i eahlo.
Ame la itre iheetre i eahlo, ke hna kuca hnei lino me drela ka madra.
נ [Nun]
23 Hna atre hnyawa la föi eahlo ngöne la itre qëhnelö ne la traon,
Lo hnë lapa i nyidrë nyipine la itre qatr ne la nöj.
ס [Samekh]
24 Eahlo a kuca me salemëne la itre iheetre lino*
Nge eahlo a tro fë la itre beletr kowe la itre ka salem.
ע [Ayin]
25 Eahlo a heetrëne la trengecatr me mingöming,
Nge ka mejiun* eahlo kowe la drai elany.
פ [Pe]
צ [Tsade]
27 Eahlo a thupëne la itre huliwa ngöne la hnalapa i eahlo,
Nge tha eahlo kö a xeni la falawa hna kapa gufan.*
ק [Qoph]
28 Itre nekö i eahlo a cil me atrunyi eahlo;
Nge föi eahlo a cil me qaja aloinyi eahlo.
ר [Resh]
29 Tru catre la itre föe ka loi thiina,*
Ngo ka sisitria kö nyipo hui angatr asë.
ש [Shin]
30 Ka iaö la elolon nge ka canga patr* la emingömingön,
Ngo troa qaja aloine la föe ka xoue Iehova.
ת [Taw]
31 Nyithupei eahlo jë thenge la hnei eahlo hna kuca,*
Nge qaja aloinyi eahlo jë ngöne la itre qëhnelö ne la traon, thenge la itre huliwa i eahlo.