Iona
2 Qa kuhu hni ne la ii, hnei Iona hna thithi koi Iehova Akötresi angeic. 2 Öni angeic:
“Ngöne la akötreng, hnenge hna hë Iehova, nge hnei nyidrëti hna sa koi ni.
Qa ngöne la itre gaa jui* ne la Hua,* hnenge hna sue me sipo ixatua.
Hnei nyipëti hna drenge la aqane ewekëng.
3 Ame lo nyipëti a kuië ni ngöne la itre gaa jui nyipine la hnagejë,
Hna huli ni hnei gejë.*
Hnene la itre hoke ne gejë i nyipë ka catr hna heti ni.
4 Nge öninge jë hi: ‘Hna helë ni qëmekei nyipë!
Tro hmaca kö ni a goeëne tune kaa la uma ne hmi i nyipë ka hmitrötr?’
5 Hna ulumi ni hnene la itre tim; ka tun lo eni ha troa mec;
Hna kaca tranyi ni hnene la itre tim ka jui.
Hna atuthe la heng hnei drawa.
6 Hnenge hna lö uti hnyawa e kuhu trepene la itre wetr.
Hnene la ihnadro hna thinge qaluqalu* ni uti hë epine palua.
Ngo hnei nyipë Iehova Akötresinge fe, hna huli ni qa hnine la hnaop.
7 Ame hë la kola patre trootro la meleng, ke Iehova pe hi la hnenge hna mekun.
Traqa ha la thithing koi nyipë ngöne la uma ne hmi i nyipë ka hmitrötr.
8 Ame la itre ka hnime la itre idrola ka pë menen, angatr a nuetrije la Atre amaman koi angatr la ihnimi nyipici.*
9 Ngo tro kö ni a tro fë huuj me olene koi nyipë.
Tro kö ni a eatrën la hnenge hna sisiny.
Iehova la atre iamele.”*
10 Thupene lai, hnei Iehova hna upe la ii troa hmitranetriji Iona ngöne la hnangöni.