Isaia

Tro ni a qaja atrunyi nyipë me atrune la ëje i nyipë,

Ke hnei nyipë hna xup la itre ewekë nyine hain,

Lo hnei nyipë hna mekune* hë ekö,

Cememine la nyipici me meköt.

 2 Ke hnei nyipëti hna kuca matre itra etë pë hë la traon,

Nge ame la traon hna eköhagen, ke ketre hlapa etë pë hë.

Ame la traon hna eköhagen ne la trenyiwa, ke tha traon hmaca kö;

Tha tro hmaca kö a xup ej.

 3 Qa ngöne lai, tro ha atrunyi nyipë hnene la nöj ka catr;

Tro ha xoue nyipë hnene la traon ne la itre nöj ka iaxösisi.

 4 Ke nyipëti hi la ketre ihag ka catr kowe la ka co,

Me ihag ka catr kowe la ka pë ewekë ngöne la akötre i angeic,

Me hnapo* ngöne la kola traqa la wene,

Me titaxapo ngöne la kola traqa la idreuth.

Ame hë la kola hnahna la elëhni ne la itre tan ka calogitr, tune la ketre wene hune la ngöne uma,

 5 Me tune la kola cinajön la dro ka qaqacil,

Tro nyipëti a ahumun la mejen ne la itre trenyiwa.

Tune la kola patr la idreuthine la jö hnene la iaw,

Tro ha pë mej la nyima ne la itre tan ka iaxösisi.

 6 Hune la wetre celë, tro Iehova joxu ne la itre trongene isi e hnengödrai a hnëkën thatraqane la itre nöj

La itre nyipi xen ka lolo,

Me itre nyipi waina,*

Me itre xen ka lolo, memine la igiris qa ngöne la itre jun,

 7 Ame hune la wetre celë, tro nyidrëti a apatrene* la sine imaano ka atuthe la nöjei atr

Memine la isitr* hna can hune la nöjei nöj asë.

 8 Tro nyidrëti a apatrene la mec epine palua,

Nge tro Iehova Joxu Ka Sisitria, a köletrij la nöjei trenge timidra asë qa ngöne la itre luemek.

Tro nyidrëti a apatrene qa ngöne la ihnadro la hmahma ne la nöje i nyidrë,

Ke Iehova la ka qaja.

Nyidrëti la hne së hna mejiune kow,

Nge tro nyidrëti a amele së.

10 Ke tro ha të la ime i Iehova hune la wetre celë,

Nge tro ha waja fici Moaba ngöne la götrane cili

Tune la kola wajawaja la jez ngöne la itre agetri öni.

11 Tro nyidrëti a saathe la lue ime i nyidrë

Tune la ketre atr ka aj,

Nge tro nyidrëti a thaipiën la hni ka pi tru i angeic

Hnene la lue ime i nyidrë ka maca.

12 Nge tro nyidrëti a akeine la traon hna eköhagen,

Memine la itre hag ka draië;

Tro nyidrëti a ukapië angeic kowe la xaxau.