Iobu

30 “Ame enehila, eni la hna hnyima fë

Hnene la itre xötre ka co,

Lo tha hnenge kö hna ce amë la itre keme i angatr

Memine la itre kuli ka thupëne la hnënge mamoeng.

 3 Kucakuca ha angatr hnei mecijiin me hleuhleu;

Nge angatr a thele xen ngöne la ihnadro ka qaqacil

Hna angazon me jëtrij.

 4 Angatr a sili haö ka haitr* ngöne la hnënge hnitr;

Me xen la itre waane ka haitr ne la ketre sinöe.

 5 Kola helë angatr hnene la nöj;

Nge kola sue koi angatr kösë kola suene la atrekënö.

 6 Angatr a lapane la itre gaa utiut ne la itre hnathup,*

Me ngöne la itre hnaop me itre gaa kaqa ne la itre git.

 7 Angatr a treije draië nyipine la itre sinöe ka lapalapa

Me icacaxeny fene la itre ka ithiny.

 8 Nge tune la itre nekön ne la itre ka hmo nge hna methinën,*

Hna helë* angatr qa ngöne la nöj.

 9 Ngo enehila, angatr a hnyimasai ni ngöne la itre nyima i angatr;

Nge angatre pena a methinë ni.*

10 Angatr a sisi ni me cil ananyi ni;

Nge tha xou i angatre hë troa hnyijuëne la qëmekeng.

11 Nge pine laka, hnei Akötresie hna akucakucanyi* ni me ahmahmanyi ni,

Matre pëhë xou i angatr. *

12 Ngöne la götrane macang;

Angatr a cile koi ni tune la itre atr ka iakötrë

Angatr a helë ni me tra thethi ni ngöne la hnenge hna tro.

13 Angatr a angazone la itre gojenying

Me nyixane la akötreng,

Nge pëkö ka sewe angatr.*

14 Angatr a fetra qa ngöne la gaa kaqa;

Nge angatr a traqa itrony ngöne la ketre götran hna lep.

15 Ame hna traqa la xou atraqatre koi ni;

Hna xometrije la lolong kösë hna ufe hnei eny,

Nge patre trootro hë la mejiuneng tune la iaw.

16 Matre enehila, kola patre la mel qaatheng;

Nge kola xölehuji ni hnene la itre drai ne akötr.

17 Ame e jidr, kola thinethine la itre juneng hnene la akötr;

Nge eje pala hi a xuje la ngönetreing.

18 Hnene la ketre trengecatr hna aficane la iheetreng;*

Nge tune la iheetre ka öje la nyinawang, thatreine hë ni mano.

19 Hnei Akötresieti hna ukapië ni hnine la trëtr;

Nge ceitunge hë memine la xaxau me hnatresij.

20 Eni a sipo ixatua koi nyipë, ngo tha sa kö nyipë;

Eni a cil, ngo nyipëti hi a goeë ni.

21 Hnei nyipëti pena hna icilekeu me eni;

Nge nyipëti a lepi ni hnene la trengecatrene la ime i nyipë.

22 Nyipëti a kapa draië ni me ufetriji ni;

Nge nyipëti a jumi* ni ngöne la wene atraqatr.

23 Ke atre hi ni laka, nyipëti a tro sai ni kowe la mec,

Ngöne la uma hna hnëkën thatraqane la itre ka mel asë.

24 Ngo pëkö atr ka troa lepe la ka kei hë*

Nge ka sipo ixatua ngöne la angeic a akötr.

26 Hnenge hna treqene la loi, ngo akötre pena la ka xulu koi ni;

Nge hnenge hna lapa treqene la lai, ngo melöhleme pena la ka traqa koi ni.

27 Tha lapa hnyawa kö la hning;

Nge hna traqa koi ni la itre drai ne akötr.

29 Eni hë la trejin ne la itre kuli wael

Me sinee ne la itre nekön ne la iaena.*

30 Wetrewetre hë la ikupeineng, nge unene hë ej;

Nge kola dreuthe la itre ijuneng hnene la hedredrei.*

31 Nge ame la arpeng ke thatraqane pë hë la ijine hnëmec,

Nge ame la sine ihohong, ke nyine latresi pë hë.