Salamo

17 Iehova fe, drenge ju la eni a sipone la meköt;

Epi tro nyipëti a wangatrune la xëweng;

Epi tro nyipëti a drenge la thithing ka pë thoi ngön.

 2 Epi tro nyipëti a axeciën la meköt thatraqai ni;

Epi tro la luemeke i nyipë a öhne la meköt.

 3 Nyipëti a waipengöne la hning me wai ni e jidr;

Nyipëti a awië ni;

Öhne hi nyipë laka, pëkö ngazo hneng hna mekun troa kuca,

Nge tha tro kö la qëng a eni wathebo.

 4 Tha eni kö a xötrethenge la itre thupaca ne la atrekënö,

Tune la aqane kuca ne la ka ala nyim, ke eni a drenge la itre trengewekë ne la ukeineqë i nyipë.

 5 Epi tro la itre thupacang a lapa ngöne la itre jë i nyipë

Matre tha tro kö a kei la lue cang.

 7 Amamane jë la elolone la ihnimi nyipici i nyipë,

Nyipëti la Atre Iamele kowe la itre ka zae ngöne la götrane maca i nyipë

Lo itre ka kötrene la itre ka icilekeu me nyipë.

 8 Thupë ni ju tune la wene dremun alameke i nyipë;

Juetrë ni ju fene la lue iape i nyipë.

 9 Thupë ni ju qa ngöne la itre atr ka thele troa akötrë ni,

Me itre ithupëjia ka kanothi ni matre humuthi ni.

10 Xeti hë la hni i angatr;*

Itre që i angatr a pi tru;

11 Ame pena enehila, angatr a lapa xötreithi hun;

Angatr a treqene la ijine troa akeinyi hun.*

12 Ceitune la ithupëjia memine la ketre liona ka pi hej angazon* la tha i nyën,

Ketre neköi liona ka zae ne thele tha.

13 Iehova fe, mejë jë troa isi me nyën, nge kuië nyëne pi e cahu hnadro;

Amele ni jë qaathene la atr ka ngazo jëne la taua i nyipë;

14 Iehova fe, amele ni jë qaathene la itre atre ne la fene celë* jëne la ime i nyipë,

Itre ka hetre edrö ngöne la mele ce,

Lo hnei nyipë hna amejin hnene la itre ewekë ka lolo i nyipë

Itre ka hnëkë edrö kowe la itre nekö i angatr trahmany.

15 Ngo ame ni, ngöne la meköt, tro ni a goeëne la qëmeke i nyipë;

Pexeje hë la madrineng troa hlë nge ce eni me nyipë.*