Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • 2 Aqane Lapa itre Joxu 32
  • Tusi Hmitrötr Fene Ka Hnyipixe Hna Ujën

Aucune vidéo disponible pour cette sélection.

Désolé, il y a eu une erreur lors du chargement de la vidéo.

2 Aqane Lapa itre Joxu 32:5

Ithuemacany

  • *

    Maine, “Milo,” qene heberu kola hape, “nyialien.”

  • *

    Heb., “nyine hna.”

2 Aqane Lapa itre Joxu 32:6

Ithuemacany

  • *

    Heb., “ithanata kowe la itre hni angatr.”

2 Aqane Lapa itre Joxu 32:8

Ithuemacany

  • *

    Maine, “trengecatre i atr.”

2 Aqane Lapa itre Joxu 32:25

Index

  • Guide de recherche

    Ita Ne Thup,

    3/2017, götrane 25

2 Aqane Lapa itre Joxu 32:31

Index

  • Guide de recherche

    Ita Ne Thup,

    3/2017, götrane 24-25

  • Tusi Hmitrötr Fene Ka Hnyipixe Hna Ujën
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
Tusi Hmitrötr Fene Ka Hnyipixe Hna Ujën
2 Aqane Lapa itre Joxu 32:1-33

Hnaaluene Tus i Aqane Lapa Itre Joxu

32 Thupene la itre ewekë cili, me aqane huliwa nyipici i Hezekia, hnei Saneribi joxu ne Asuria hna traqa troa cile xötreithi Iudra. Hnei angeic hna cile xötreithe la itre traon hna eköhagen, troa akeine la itre ihag, me thapa la itre traon.

2 Nge ame hë la Hezekia a atre laka, Saneribi a traqa troa lepi Ierusalema, 3 nyidrëti a pane ce ithanatane jë me itre he ne nöj, me itre sooc i nyidrë, nge nyidrëti a mekune ju troa thinge la itre qeqe ne tim tröne la traon. Nge angatr a kapa ju. 4 Ala nyimu la itre atr hna iacasinekeun. Angatr a thing asë jë la itre qeqe ne tim, me itre tim ka neni ngöne la nöj, ke öni angatr: “Tha tro kö la itre joxu ne Asuria a traqa nge tru hnei tim.”

5 Ketre, hnei angatr hna isin troa xupe hmaca lo ihag hna akein. Nge hnei angatr hna acile la itre ita ne thup, nge e trön, hnei angatr hmaca hna xupe la ketre ihag. Angatr a kuca hnyawane jë lo Hna Jë,* ngöne la Traone i Dravita. Nge nyidrëti a xupe ju fe la itre jia ne isi* me itre petr ka nyimutre. 6 Nyidrëti a acile jë la itre tane sooc hune la nöj, nge nyidrëti a icasinekeune jë la nöjei atr ngöne la götrane gaa tru, hmekune la qëhnelö ne la traon, matre troa thuecatre* i angatr. Öni nyidrë: 7 “Catre pi, nge hni ne trahmanyi jë, the xou kö, nge the hmengöhmengöne kö pine la joxu ne Asuria, memine la ka ala nyim ka ce me angeic. Ke ala nyimu kö la itre ka ce me easë, hune la itre ka cile koi së. 8 Thei angeic la ime i atr,* ngo the së Iehova Akötresi së troa amele së, me isi me itre ithupëjia me easë.” Ame hna keukawa la nöj hnene la itre trengewekë i Hezekia joxu ne Iudra.

9 Ngöne la ijine cili, Saneribi joxu ne Asuria e Lakisa, memine la itre trongene isi i angeic, me nöjei lolo i angeic. Matre hnei angeic hna upe la itre hlue i angeic a tro Ierusalema, troa qaja koi Hezekia joxu ne Iudra, me koi nöjei atre Iudra e Ierusalema ka hape:

10 “Hane hi la maca i Saneribi joxu ne Asuria: ‘Epuni a mejiun koi drei matre lapa catr e Ierusalema, nge kolo pe a cile xötreith hnei itre sooc? 11 Tha Hezekia kö a trane la he i epun, me xomi epuni kowe la mecijin me pi ij, la angeic a hape: “Iehova Akötresi hun la ka troa amele hun qaathene la joxu ne Asuria”? 12 Ngo angeice hi lo ka apatren qa ngöne la nöj la itre hnë hmi gaa hmitrötr, me itre ita ne huuj ne la Akötresi epun, me ka qaja koi Iudra me Ierusalema ka hape: “Casi hi la ita ne huuj hnei epuni hna troa thili kow. Nge tro hmekuje hi epun a huhajine la itre huuje i epun e cili.” 13 Thatre kö epuni la hnenge hna kuca me itre qaaqaang kowe la itre xa nöj? Nge hnene kö la itre haze ne la itre nöje cili hna atreine amele angatr qaatheng? 14 Nge thene la itre nöj hna apatren hnei itre qaaqaang, drei la haze ka atreine amelene la nöje i angeic? Nge epuni pe kö a mekun ka hape, tro la haze i epun a atrein amele epun qaatheng! 15 The nue Hezekia kö troa trane la he i epun, me amenu epun, nge the mejiune kö koi angeic, ke pëkö ca haze ne la itre nöj, me baselaia ka atreine amelene la nöje i angeic qaatheng, me qaathene la itre qaaqaang. Nge ka ue pe kö la haze i epun!’”

16 Nge ame la itre hlue i Saneribi, angatre pala hi a qajangazo Iehova la nyipi Akötresie, me Hezekia hlue i nyidrë. 17 Nge hnei Saneribi fe hna cinyianyi tusi troa qaqa Iehova Akötresi Isaraela, me qajangazo nyidrë. Hna cinyianyine ka hape: “Tune la itre haze ne la itre xa nöj ka thatreine amelene la itre hlue angatr qaatheng, tha tro kö la haze i Hezekia a atrein amelene la nöje i angeic qaatheng.” 18 Nge ame la itre hlue i Saneribi, angatr a sue ngöne la qene hlapa i angetre Iudra, matre troa dreng hnene la angetre Ierusalema hune la ihag. Angatr a thele troa axouene la angetre Ierusalema, me thapa la traon. 19 Matre hnei angatre hna qajangazone la Akötresie ne Ierusalema, tune lo aqane kuca i angatr kowe la itre xa haze ne fen, itre haze hna kuca hnene la ime i atr. 20 Ngo hnei Hezekia joxu, me Isaia perofeta nekö i Amoza, hna thithi fë la jole cili, me sipo ixatua qa hnengödrai.

21 Ame hnei Iehova hna upe la ketre angela, troa apatrene la itre sooc ka catr, me itre tane sooc, me itre atre ka tru ngöne la trongene isi Asuria. Matre hnene la joxu ne Asuria hna hmahma me bëeke kowe la nöje i angeic. E thupen, hnei angeic hna lö hnine la uma ne hmi ne la haze i angeic, nge hnene la itre sipu nekö i angeic hna humuthi angeic hnei taua. 22 Celë hi aqane kuca i Iehova, matre troa amele Hezekia me angetre Ierusalema, qa ngöne la ime Saneribi joxu ne Asuria me itre xan. Nge hnei nyidrëti hna hamë tingeting xötreithi angatr. 23 Matre ala nyimu la itre ka traqa fë ahnahna e Ierusalema koi Iehova, me itre ewekë ka tru thupen koi Hezekia joxu ne Iudra. Qa ngöne lai, hna metrötrëne la joxu hnene la itre xa nöj.

24 Ngöne la ijine cili, wezipo ju hi Hezekia, nge easenyi hë tro nyidrëti a mec. Ame hnei Hezekia hna thithi koi Iehova, nge hnei nyidrëti hna sa jëne la ketre hatren. 25 Ngazo pe, tha hnei Hezekia kö hna olene la loi hna kuca koi nyidrë, ke pi tru hë la hni nyidrë. Ame hnei Akötresie hna wesitr koi Hezekia, me koi Iudra, me Ierusalema. 26 Eloine pe, hnei Hezekia hna ietrane la aqane pi tru i nyidrë, nge hnei angetre Ierusalema fe hna hane ipië tui nyidrë. Matre tha amamane ju hi Iehova la wesitr i nyidrë ngöne la ijine mus i Hezekia.

27 Tru catre la itre mo me lolo i Hezekia, matre nyidrëti a xupe jë la itre uma ne ami sileva me gool, me itre etë ka melemel, me oelë göti, me itre petr, me nöjei ewekë ka tru thupen. 28 Nyidrëti a xupe jë la itre uma ne ami wene feja, me waina ka hnyipixe me oel. Nge nyidrëti a xupe ju fe la nöjei pengöne uma i öni, me itre hnë axö mamoe. 29 Nyidrëti a xupe jë la itre traon, me kapa la itre kau me mamoe ka nyimutre, ke Akötresieti a hamë ewekë atrun koi Hezekia. 30 Hezekia hi lo ka thinge la qeqe ne tim ka neni e Gihona götrane koho, nge ka ajeane la jë i tim troa uti meköt kowe la götrane kuë ne la Traone i Dravita. Nge ka tro loi pala hi la nöjei huliwa hna kuca hnei Hezekia. 31 Ngo ame ju hi la itre he ne nöj i angetre Babulona a upe la itre qeneqaja i angatr koi Hezekia, troa hnyingë pengöne lo hatren ka traqa ngöne la nöj, hnene la nyipi Akötresie hna nue Hezekia troa huliwa cas, matre tupathi Hezekia, nge matre mama pi la pengöne la hni Hezekia.

32 Nge ame la mele i Hezekia me aqane ihnimi nyipici i nyidrë, hna qejepengön asë ngöne la hna meköle goeën hnei Isaia perofeta nekö i Amoza, hnine la itus ne la mele ne la itre joxu ne Iudra me Isaraela. 33 Ame hnei Hezekia hna meköl me itre qaaqaa i nyidrë ngöne la mec. Nge hna kelemi nyidrë ngöne la hna elë kowe la itre hua ne la itre nekö i Dravita. Nge ngöne la ijine mec i nyidrë, hnei Iudra asë me Ierusalema hna atrunyi nyidrë. Nge hna acili joxu Manase nekö i nyidrë, troa nyihna i nyidrë.

Itre Itus Qene Drehu (1997-2025)
Tha Connecter
Connecter
  • Drehu
  • Iupi fë
  • Hna ajan
  • Copyright © 2025 Watch Tower Bible and Tract Society of Pennsylvania
  • Itre Hna Amekötin
  • Pengöne La Ka Thele Ithuemacany
  • Hna amekötin
  • JW.ORG
  • Connecter
Iupi fë