Salamo
118 Olene jë koi Iehova, ke ka lolo nyidrë;
Ka epine palua la ihnimi nyipici i nyidrë.
2 Loi e tro Isaraela a qaja enehila ka hape:
“Ka epine palua la ihnimi nyipici i nyidrë.”
3 Loi e tro la lapa i Arona a qaja enehila ka hape:
“Ka epine palua la ihnimi nyipici i nyidrë.”
4 Loi e tro la itre ka xoue Iehova a qaja enehila ka hape:
“Ka epine palua la ihnimi nyipici i nyidrë.”
6 Ce Iehova me eni, tha tro kö ni a xou.
Nemene la hna troa kuca koi ni hnene la atr?
7 Ce Iehova me eni, nge nyidrëti la ixatuang;*
Tro ni a goeëne la kola lep la itre ka methinë ni.
8 Loi e troa lapa qale koi Iehova
Hune la troa mejiun kowe la itre atr.
9 Loi e troa lapa qale koi Iehova
Hune la troa mejiun kowe la itre he ne nöj.
10 Hna kanothi ni hnene la nöjei nöj,
Ngo ngöne la ëje i Iehova,
Hnenge hna ukune triji angatr.
11 Angatr a kanothi ni, nyipici, angatr a lapa xötreithi ni,
Ngo ngöne la ëje i Iehova,
Hnenge hna ukune triji angatr.
12 Angatr a kanothi ni tune la ume bii,
Ngo canga pi hi angatr tune la eë ngöne la itre isinöe ka ithiny.
Ngöne la ëje i Iehova,
Hnenge hna ukune triji angatr.
13 Hna* ukapië ni matre troa akeinyi ni,
Ngo hnei Iehova hna xatua ni.
14 Ia la hnapong me trengecatreng
Nge nyidrëti hë la atre amele* ni.
15 Tiqa ha la itre itate ne la itre ka meköt
Hnene la mejene madrin me iamele.*
Kola mama la mene i Iehova ngöne la ime maca i nyidrë.
16 Kola draië la ime maca i Iehova;
Kola mama la mene i Iehova ngöne la ime maca i nyidrë.
17 Tha tro kö ni a mec, ngo tro pe ni a mel,
Matre qaja amamane la itre huliwa i Ia.
18 Hnei Ia hna catrë ni,
Ngo tha hnei nyidrëti kö hna nue ni kowe la mec.
19 Fe pi koi ni la itre qëhnelö ne la meköt;
Tro hë ni a lö troa atrunyi Ia.
20 Hane hi la qëhnelö i Iehova.
Tro hë la itre ka meköt a lö ngöne ej.
21 Tro hë ni a atrunyi nyipë, ke hnei nyipëti hna sa koi ni
Nge nyipëti hë la atre amele ni.
23 Qaathei Iehova la ewekë cili;
Ketre ewekë lai hne së hna hain.
24 Hane hi la drai hnei Iehova hna sa;
Eahuni a ajan troa madrin me sue madrin ngöne la drai cili.
25 Iehova fe, amele huni jë, eahuni a sipon me xëwe koi nyipë!
Iehova fe, eahuni a sipon troa ngaan la itre ithupëjia me hun!
26 Manathith la atre traqa ngöne la ëje i Iehova;
Eahuni a amanathithi epun qa ngöne la uma i Iehova.
27 Iehova la Akötresie;
Nyidrëti a thina së.
Xome jë la itre wapicin, nge lö hnine jë la trongene madrin,
Uti hë la itre jian ne la ita ne huuj.
28 Nyipëti la Akötresing, tro hë ni a atrunyi nyipë;
Akötresinge fe, tro hë ni a qaja atrunyi nyipë.
29 Olene jë koi Iehova, ke ka lolo nyidrë;
Ka epine palua la ihnimi nyipici i nyidrë.