Qaan Lo Kola Lö Pi Qaa Aigupito Uti Hë Lo Pane Joxu Ne Isaraela

Hnei Mose hna elemekene la tronge i angetre Isaraela qaa Aigupito, uti hë ngöne la wetre Sinai, nge e cili, hnei Akötresie hna hamëne lo trenge wathebo i Nyidrë. Thupene lai, hnei Mose hna upe la truelofe lao thupëtresij matre troa alamekën la nöj e Kanana. Bëeke hë angatr, nge hna qeje ejolen hnene la ala treen. Ene pe hna qeje aja hmaca hnene la nöje Isaraela troa bëek Aigupito eë. Ame hë la pune koi angatr, hnei Iehova hna nue angatr troa gau ngöne la hnapapa, footre lao macatre.

Haawe, hnei Akötresieti hna ië Iosua troa eatrongë angetre Isaraela a tro Kanana. Hnei Iehova mina fe hna kuca la itre iamamanyikeu matre troa xatua angatr troa thapa la nöj. Hnei Nyidrë hna thungijën la timi ne Ioridrano troa neni, me amalan la itre hna xupi hag ne Ieriko, me acilën la jö caa drai ka pexej. Ame hë thupen la sikisi lao macatre, ase hë thapa la ihnadro ne la itretre Kanana.

Ame qaathei Iosua, hna nyiqaane hi troa musi hui Isaraela hnene la itretre amekötin, a 356 lao macatre. Easë a troa ithanatan la itre xan e angatr, ene Baraka, Gideona, Iefetha, Samasona me Samuela. Easë mina fe a troa ithanatan la itre föe, ene Rahaba, me Debora, me Iaela, me Rutha, me Naomi me Delila. Kola troa ithanatan hnene la Paatr HNAAKÖNIN, la aqane trongen lai 396 lao macatre cili.