Jole Troa Hnimi Akötresie

Jole kowe la itre xa atr troa hnimi Akötresie. Angatr a mekune ka hape, trehnyiwa angatr koi Akötresie nge ka iaxösisi Nyidrë, nge thatrepengöi Nyidrëti hnyawa kö hnei angatr. Hane hi cahu hna qaja hnei itre xan:

• “Eni a thithi koi Akötresie göi troa sipo ixatua, ngo ame e kuhu hning, tre kösë lo nanyi Nyidrëti qaatheng. Tha nyipi mama kö koi ni la pengö i Nyidrë, nge ame koi ni, Akötresieti ka pë hni ne atr Nyidrë.”—Marco, qa Itali.

• “Ka ajane hnyawa ni troa hmi koi Akötresie, ngo kösë lo nanyi catre Nyidrëti qaathe së. Öninge pena kö ka hape, ka iaxösisi Akötresie, nge casi hi la hnei Nyidrëti hna kuca, ene la troa të la itre ngazo së. Ame koi ni, ke ka pë hni ne atr lae Nyidrë.”—Rosa, qa Guatemala.

• “Ame ekö lo eni a nekönatr, hnenge pala hi hna mekune laka, Akötresieti pala hi a alamekëne la nöjei tria së, matre tro Nyidrëti a nyithupene koi së. Ame hë e thupen, kösë lo nanyi Nyidrëti koi ni. Eni ha goeë Nyidrë ceitu me Premier ministre ka catre huliwa kowe la itre atr hnei nyidrëti hna musi kow, ngo tha semesinee angatre kö.”—Raymonde, qa Canada.

Nemene fe la mekuna i nyipunie? Jole troa hnimi Akötresie? Itre macatre ne thele itre Keresiano troa sa la hnyinge celë. Ame ekö, hmekune lo itre macatre 500-1500 M.K., tru catre la itre ka hmi Keresiano göi ëjen, ka tha hane hmaca kö thithi koi Akötresie. Pine nemene jë? Xouene catre la itre atr e Nyidrë. Kola hnyinge hnei Will Durant, atre thele troa atrepengöne la mele ne la atr ka hape: “Drei fe la atr tru ngazo ka troa tro fë la thith i angeice kowe la Joxu ka iaxoueny, nge ka tha isemesinee kö?”

Pine nemene matre qaja jë itre atr ka hape, ka calogitr Akötresie, nge trehnyiwa angatr koi Nyidrë? Nemene la aqane qeje Akötresie hnene la Tusi Hmitrötr? Tro kö la itre ini cili a xatua nyipunie troa hnimi Akötresie?