Tro Nyidrëti a Apatrene La Ngazo

Tusi Hmitrötr a qaja hnyawane koi së la hnei Iehova me Iesu Keriso, Hupuna i Nyidrë hna troa kuca kowe la akötr hna axulun hnei Satana. Öni Tusi Hmitrötr: “Mamapi la Hupuna i Akötesie, mate tro nyidëti a apatene la ite huliwa i diabolo.” (1 Ioane 3:8) Tro ha patre la fene celë hna nyi trepene hnene la meciun, me imethinë, me nöjei pengöne huliwa ka ngazo. Öni Iesu ka hape, “troa helëne . . . la tane celë fen,” ene Satana Diabolo. (Ioane 12:31) Kola patre hnei Satana, nge kolo pena a cil la ketre fene ka hnyipixe; nge troa mana e cili la thiina ka meköt me tingeting.—2 Peteru 3:13.

Ngo tune kaa pë hë la itre atr ka catre kuca la ngazo, nge ka xele ma ietra? Ase hë thingehnaeane ka hape: “Tro la ite ka meköti a lapane la nöj, nge tro la ite ka pë ethan’ a hne ngön’ ej. Ngo troa thupa tije la ite ka ngazo qa ngöne la nöj, nge troa feje tije la itete iaö qa ngön’ ej.” (Ite Edomë 2:21, 22) Patre hë elany la iajojezi ne la itre atr ka ngazo. Ame hë e cili, tingetinge hë la fen, nge tro ha mele trootro la itre atr ka idrei qa ngöne la mele ka tha pexeje kö.—Roma 6:17, 18; 8:21.

Tro Akötresieti a apatrene tune kaa la ngazo? Tha Nyidrëti kö a troa xometrije la atreine troa ië ewekë, matre tui robots ju pe hi së. Tro pe Nyidrëti a inine la itre jë i Nyidrë kowe la itre atr ka idrei, me xatua angatr troa trije la itre mekun, me itre aqane ujë ka iakötrë.

Nge tune kaa lo itre hulö? Öni Akötresie, tro la Baselaia i Nyidrëti a mus kowe la fen. Iesu Keriso la Joxu hnei Nyidrëti hna acil, nge nyidrëti la ka troa apatrene la nöjei mec. (Mataio 14:14) Atreine fe Iesu musinëne la itre ewekë ka tune la mani, me eny me itre xane ju kö. (Mareko 4:35-41) Tha tro hmaca kö a asesëkötrë së, me akötrë së hnene la itre hulö. (Ate Cainöj 9:11) E musi hë Keriso, pë hmaca kö hulö ka troa lep la atr.—Ite Edomë 1:33.

Nge tune kaa ju hë lo itre atr ka loi, ngo ka meci peja? Öni Iesu ekö qëmekene troa amele Lazaro hmaca: “Ini hi la mele hmaca, memine fe la mel.” (Ioane 11:25) Hetrenyi Iesu la mene ka ijij göi troa amelene hmaca la itre ka mec!

Maine aja i epuni la fen hna lapaane hnene la itre atr ka loi, nge gaa pë hulö, ange hane ju inine la nyipi pengö i Akötresie, memine la aja i Nyidrë hna qaja hnene la Tusi Hmitrötr. Tru la aja ne la Itretre Anyipici Iehova ne la nöje i epun troa xatua epun troa kapa la ini cili. Ange hane ju sipo ixatua thei angatr, maine pena, cinyanyi ju kowe la itre ka kuca la zonale celë.