Atre Fe Hi Nyipunie?
Pine nemene matre hnei Iosefa hna pane iciny, qëmekene troa tro koi Farao?
Kola amamane la ketre trahmany kola icinyi ngöne lo ijine angetre aigupito
Hna qaja ngöne la Tusi Genese ka hape, hnei Farao hna pane nue lo atre ne Heberu hna akalabusin, ene Iosefa. Hna alö Iosefa qa kalabus matre canga qejepengöne la itre pu hnei angeic hna kuca ka axounyi angeic. Ame ngöne la ijine cili ke, itre macatre hna akalabusi Iosefa. Ngacama ihë qaathei Farao ngo tha hnei Iosefa kö hna canga kapa la ihë i nyidrë, hnei angeice pe hna pane icinyi. (Genese 39:20-23; 41:1, 14) Hnene la atre cinyihane e celë hna qaja hnyawane la pengöne la troa iciny. Ame kowe la itre atr, tre, maine jë tha ka nyipiewekë kö, ngo celë hi ketre hna majemine kuca lai ekö e Aigupito.
Ame ngöne la itre xa nöj ekö, ke, hna majemine hnai ienaj hnene la itre trahmany, tune la angetre Heberu. Ngo, tha hna tune fe kö thene la angetre Aigupito. Kola qaja hnei McClintock memine la ketre encyclopédie, La Cyclopedia of biblique, Théologique Et Ecclésiastique Littérature ka hape, “Ketre nöje lai ka wathebone la troa hnai ienaj.”
Tro hmekuje hi a cin la ienaj? Hnene la ketre zonal, Revue d’Archéologie Biblique hna qaja ka hape, ame ngöne la itre hna majemine ekö thene la angetre Aigupito, ke hna amekötine kowe la atr ka troa cile qëmeke i Farao maine ka lö ngöne la ēnē, troa porop. Easa trotrohnine e celë laka hnei Iosefa hna cin asë la ngönetrei angeic me cin apane la he i angeic.