Itre Hna Amekötiin

◼ Itre itusi nyine troa trofë e treu Febuare: Vous pouvez vivre éternellement sur une terre qui deviendra un paradis, 400 F la thupene (itusi ka tru), nge 200 F la thupene (itusi ka co). Thupene la hna amë pe la itus, ke, loi e troa sisedrën, ene la troa wange hmaca la itre atr matre thelejëne troa nyiqaane inine la Tusi Hmitrötre koi angatr. Maac: Révélation: le grand dénouement est proche!, 400 F la thupen. Eipereme me Mei: Troa abone kowe La Tour de Garde, me Réveillez-vous!, 1 000 F la thupene la caas. ITHUEMACANY: Ame la itre ekalesia ka tha hane palakö komadëne la itre itusi celë, ke, loi e troa komadën’itr’eje göi treu ka troa xulu ngöne lo pepa (S-14).

◼ Tro la seketere, memine la atre thupëne la huliwa ne cainöje trootro a ce wange hmaca la huliwa ne la nöjei pionie lapa. E maine jole koi itre xane troa eatrëne la itre hawa i angatr, ke, tro la itre qatre thup’a hamë ixatua. Wange jë la itre mekune ngöne la itre itusi Sasaiatri (S-201) ne 1 Okotropa, 1993, me 1 Okotropa, 1992. Nge, wange ju fe la itre paragarafe 12-20 ne la sine trongene la Huliwa ne Baselaia ne Ogas 1986.

◼ Troa kuca la Drai nyine amekunëne e drai ka tru ne 14 eiperem, 1995. Ngacama, troa nyiqaane panëne hnene la cainöj, ngo kola sipone matre troa hamëne trongëne la areto me waina thupene la hna lö la jö. Celëhi matre loi e troa wange la götrane i epun, la traeme ne tro la jö a lö. Pëkö xaa icasikeu hna troa kuca la ijine cili, kolo hmekujehi la itre icasikeu ne cainöje trootro. E maine ekalesia i epuni a icasikeu e drai ka tru, ke, loi e troa saze eje kowe la ketre drai ne la wiik, ijine pëkö icasikeu ngöne la uma ne Baselaia.

◼ E thupene la itre icasikeu ne la ekalesia, ene la asabele ne sirkoskripsio, memine la porogarame ne la asabele ka ketre pengöne ne ca drai ne 23 Eiperem, 1995, tro ha hamëne la ketre ithuemacany, ene la troa hamëne trongëne la ketre tarake ka foa lao götran, nge ka hamë maca ka ihmeku memine la ijine së. Troa xatuane la itretre cainöje troa nyipiine la itre atr ka hni ka meköt, nge ka waipengöne la itre jole hnei angatre hna cile kow, nge ka thele la gojenyi ka loi. Tro la nöjei itretre cainöj, me itre ka hnyipi hane sine la huliwa ne cainöje trootro ngöne la treu Maac, me Eiperem, me Mei, a ajane troa sajuëne la huliwa celë ka ketre pengön.

◼ Tro la itre ka cainöje trootro ka ajane troa hane pionie ka ixatua e treu Maac, me Eiperem, me Mei, a canga hnëkë, me nyialiene la pepa ne sipo. Tro lai a thuejëne la itre qatre thupe troa canga wange la itre drai ka ijije göi itre icasikeu ne la huliwa ne cainöje trootro, me troa hnëkëne la itre itusi ka ijij.