Xome Jë La Itus Adorez Dieu Matre Troa Xomiujin La Itre Etid

Hna kuca la itus Adorez le seul vrai Dieu matre troa xatuan la itre ka xötrei atre la nyipici troa kökötr ngöne la ua, me ajuin la ole i angatr koi Iehova me kowe la organizasio i Nyidrë. Troa xome ej matre troa hnaaluene ini tus memine la itre hnainin. Kola qejepengön ngöne la Huliwa Ne Baselaia ne treu Juun 2000, götrane 4 ka hape: “Maine kola mama Iaka, hmiitre kökötr la ketre atr ngöne la atrehmekun, nge hetre madrine i angeic kowe la itre ini hna kapa, haawe, sisedrëne jë la etid ngöne la ketre itus, thupene lo lai boroshür, Thele, memine la itus, Atrehmekune. . . . Ngo eje hi lai laka, tro pala hi a pane nyiqaane etid ngöne la boroshür, Thele me ngöne la itus, Atrehmekune. Ngacama hna bapataisone hë la hnainin qëmekene troa xejë la hnaaluene itus, ngo thaa tro kö a hmaca troa e pala hi la etid ngöne rapor, me itre iwaihmaca, me itre hawa ne etid.”

Drei la itre xaa atr ka ijij troa hane kapa la ixatua celë, ene la troa inin la itus Adorez Dieu ? Kola sisedrëne lai hna cinyihane ka hape: “Maine hetrenyi la itre atr hne së hna atre ka etidi hë ekö ngöne la [boroshüre Thele memine] la itus, Atrehmekune, ngo thaa hane kö kökötr me axeciëne troa nyihlue i Akötresie me bapataiso, haawe, ma loi e tro sa tro troa hnyingë angatr, maine kola ajan troa xejë hmaca la etid.” Catre jë së troa nyiqaane la itre etid jëne la itus Adorez Dieu e treu Maac me Eiperem.