Itre Hna Amekötiin
Itre itus hna troa tro fë e Febuare: Approchez-vous de Jéhovah. Maac: Tro fë jë la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Thele jë troa nyiqaane etid memine la itre atr. Eiperem Me Mei: Loi e troa isa amamane hnyawa la lue zonal, La Tour de Garde me Réveillez-vous ! Ame ngöne la kola wange hmaca la itre atr ka ajan, cememine lo itre ka hane sin la Drai Ne Amekunën maine itre xaa icasikeu së pena, ngo thaa ce huliwa kö memine la ekalesia, thele jë troa hamëne koi angatr la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Ame la aja së tre, ene la troa nyiqaane etid ngöne la itusi celë.
◼ Pine laka faifi lao mecixeni me sabath e Eiperem, haawe, ketre treu lai ka lolo troa pionie ka ixatua.
◼ Ame la cainöj ka ketrepengöne koi nöjei atr, hna hnëkën göi hneijin ne Drai Ne Amekunën 2006, tre, hna hape “Hapeu, Akötresieti Pala Kö La Maseta?” Wange ju la hna amekötiin ngöne la Huliwa Ne Baselaia ne Semitrepa 2005.
◼ Ame la hna cinyihane götrane 6, hna hape, “Loi e Eje The Së La Madrine Troa Ini Ngöne La Itus Nemene La Nyipi Ini Hna Hamën Hnei Tusi Hmitrötr?,” tre kola troa ce wange ngöne la Icasikeu Ne La Huliwa ne treu Eiperem drai 3 me wiike cili. Kola sipone matre troa amë hnyawa la hna cinyihane celë memine la porogarame ne ini tus ka ce tro memin.
◼ Tro la qatre thup perezida maine ketre trejine pena hnei angeice hna iën, a wange la hna ithingë hnene la ekalesia e 1 Maac maine e thupene pena lai drai cili. Maine isa hna xeene kö la itre manie, maine göi nyihnyawa uma maine göi troa xupe pena, loi e tro pala fe a hane wange la manie cili. E ase hë ce wange asë lue ej, haawe, kolo hi lai a thuemacane jë la ekalesia ngöne la rapor ka troa xulu.
◼ Loi e tro la seketere memine la atre thupëne la huliwa ne cainöj, a ce wange la huliwa ne la itre pionie lapaa asë. Maine nango jole koi itre xan troa eatrën la itre hawa hna amekötine koi angatr, loi e tro la itre qatre thup a thele troa hamë ixatua. Ame koi itre mekune nyine ixatua, wange ju la itre tusi hna hamën ngöne la nöjei macatre, hna hape S-201.