Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 28 Ogas me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 3 Julai koi 28 Ogas 2006. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Maine tro sa goeëne la atr ngöne la easa cainöj, tune kaa la aqane tro lai a xatua së troa itretre ini ka lolo? (Mat. 19:25, 26; Ite hu. 14:9, 10) [be g. 124 par. 3–g. 125 par. 2]
2. Pine nemene matre nyipi ewekë catre troa ithanata qa kuhu hni së, nge nemene la ka troa xatua së troa trongëne lai ngöne la hna cainöje trootro? [be g. 128 par. 1-5, itre mekune hna eköhagen]
3. Pine nemene matre loi e tro sa nyidrawa së, me heetre me ele ihe hnyawa? [be g. 131 par. 1-3]
4. Troa hetre thangane tune kaa la “qahmihmi me metöt [wië la itre mekun],” ngöne la hnaheetre së me aqane ele ihe së? (1 Tim. 2:9) [be g. 131 par. 4–g. 132 par. 1]
5. Nemene la itre trepene meköti qa hnine la Tusi Hmitrötr nyine tro sa trongën, matre xecie koi së laka, thaa hna ketr kö la aqane heetre me iseji së hnene la ajane la fen? [be g. 133 par. 1-2]
HNËQA NABA 1
6. Nemene la manathith ka tru hna kapa qa ngöne la hna e tus? [be g. 21 par. 3]
7. Nemen la ka amamane ka hape, ka inamacan maine ka hmo la ketre atr? (Ite edomë. 14:2) [w04 15/11 g. 26 par. 5]
8. Pine nemen matre ‘hmaloi la atrehmekune kowe la ate trotrohnin’? (Ite edomë 14:6) [w04 15/11 g. 28 par. 4-5]
9. Nemene la pengöne la ini Tus? [be g. 27 par. 3]
10. Maine tro sa mekune thele la itre ewekë hnei Iehova hna xup, tro lai a ketri së tune kaa? [w04 15/11 g. 8 par. 4]
E TUSI HMITRÖTR NGÖNE LA WIIK
11. Ame ngöne la itre drai ekö, tune kaa la aqane ‘ulatine la wesi ula’ hnei Iehova matre “ala nyimu [“la itre föe,” MN] angete cainöjën’ ej” hna aceitunën me ketre trongëne isi, nge kola eatre tune kaa lai enehila? (Sal. 68:11)
12. Maine ju, tre, nemene la ewekë ka troa sewe Asafa troa kuca la loi, nge hnei angeice hna amekötine tune kaa la aqane mekune i angeic? (Sal. 73:2, 3, 17)
13. Pine nemene matre hëne jë lo mana hna nenge koi angetre Isaraela, ka hape, “xeni qa hnengödrai” me “a i ange ka men”? (Sal. 78:24, 25)
14. Nemene la aliene la hna hape, “ga sihngödi ne la kasisitia,” nge nemene la aqane tro sa ‘lapa’ e cili? (Sal. 91:1, 2)
15. Kola hapeue la hna hape sisitria catre koi Iehova, ngöne lo kola meci hnene la itre hlue i Nyidrë ka nyipici koi Nyidrë? (Sal. 116:15)