Itre Hna Amekötiin

◼ Itre itus nyine troa tro fë ngöne la treu Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Eiperem Me Mei: Troa tro fë la itre zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka hane sine la Drai Ne Amekunën maine la itre ka nanazij, tre, loi e tro sa catre thele troa tro fë la itus Nemene La Nyipi Ini Hna Hamën Hnei Tusi Hmitrötr? Loi e tro a eje e kuhu hni së la ajan troa nyiqaane inine la Tusi Hmitrötr memine la itre atr, jëne la itusi cili. Juun: Troa tro fë la itus Atrehmekune. Maine pë hë la itusi cili hnine la itre ekalesia, haawe, tro fë jë la itus Ini Tusi Hmitrötr maine pena la boroshür Veillez !

◼ Maine ase hë kapa la itre zonal ka hnyipixe ne La Tour de Garde me Réveillez-vous !, loi e troa canga thawa kowe la itretre cainöj, matre tro angatr a majemi kowe la aliene itre ej qëmekene troa cainöj.

◼ Troa atrune la Drai Ne Amekunën e Drai Menu 30 Maac 2010. Troa thinge thatraqane la Drai Ne Amekunën la itre nyima 8 me 109 hnine la itre nyima së ka hnyipixe. Maine kola icasikeu la ekalesia i epun ngöne la drai cili, thele jë troa kötrëne ej kowe la ketre drai ne la wiik. Maine nyimutre la itre ekalesia ka icasikeu ngöne la ca Uma Ne Baselaia nge thatreine kö troa eköthe hmaca la ketre icasikeu, haawe, maine jë thaa tro pë hë a kuca la icasikeu cili. Maine jë troa kuca pë hë ngöne pena ha la ketre Icasikeu Ne La Huliwa la itre xaa götrane ka ihmeku memine la itre aja ne la ekalesia i epun.