Revizio Ne La Ini Ne Cainöj Qaathei Akötresie

Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 26 Eiperem 2010 me wiike cili. Troa xom hnene la atre thupën la ini la 20 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 1 Maac uti hë e 26 Eiperem 2010.

1. Kola hapeue la Naomi a hape, “hnei Iehova hna akötë ni, nge hnei Kapucatinasë hna hnöthi ni”? (Rutha 1:21) [w05 1/3 g. 27 par. 1]

2. Nemene la itre thiina ka aijijë Rutha troa ketre “fö loi thina”? (Rutha 3:11) [w05 1/3 g. 28 par. 6]

3. Hna acatrene tune kaa la lapaune ne la föi Elekana, hnene la trenge ewekë hna qaja hnei nyidrë, ka hape, “tha sisitia kö ni köi ’ö hune la ite nekö trahmanyi ka luepi”? (1 Sam. 1:8) [w90 15/3 g. 27 par. 5-6]

4. Kola mama tune kaa laka, thaa ka loi kö la sipo i angetre Isaraela troa acile la ketre joxu? (1 Sam. 8:5) [w05 15/9 g. 20 par. 17; it-2 g. 827 par. 1]

5. Kola mama tune kaa laka, ketre tulu ka lolo la hna hamëne hnei Samuela göne la troa thithi thatraqane la itre xan, ngacama “qatë hë [nyidrë], me qia ha,” nge nemene la hna amamane hnyawa hnene lai? (1 Sam. 12:2, 23) [w07 1/6 g. 29 par. 14-15]

6. Pine nemene matre hna meku angetre Keni? (1 Sam. 15:6) [w05 15/3 g. 22 par. 10]

7. Nemene la alien la hnyinge i Saulo koi Davita, ka hape, “Nekö i dei eö?” (1 Sam. 17:58) [w07 1/8 g. 31 par. 3, 5]

8. Nemene la ini hne së hna xom qa ngöne la aqane nyinyine Davita la ketre jol ka tru e Gatha? (1 Sam. 21:12, 13) [w05 15/3 g. 24 par. 4]

9. Hna mama tune kaa la ihnim me hni ka ipië i Ionathana, ngöne lo ijine kola aja ixatua me ithuecatre hnene la enehmu i nyidrë ene Davita? (1 Sam. 23:17) [lv g. 29 par. 10, ith. e cahu fen.]

10. Nemene la ini hne së hna kapa qa ngöne la hnei Saulo hna wange la föe trene haze ne Eni-dora? (1 Sam. 28:8-19) [w05 15/3 g. 24 par. 7]