Troa Qeje Nemen Gön La Itre Zonal

La Tour de Garde 1 Juun

“Nyimutre la itre atr ka hnyingë pengöne mel jëne la itre wëtresij, qëmekene troa xomi mekun. Hapeue la mekuna i epun, ijije kö tro la itre wëtresij a hetre thangane kowe la mele së? [Nue pi troa sa.] Hanawange la hna qaja hnei Tusi Hmitrötr göne la itre hatrene la itre wëtresij hna hën, ka hape, les constellations du zodiaque. [E jë la 2 Ite Joxu 23:5.] Kola hamëne hnene la hna cinyihane celë la mekuna ne la Tusi Hmitrötr.” Amamane jë la hna cinyihane ngöne la götrane 18.

Réveillez-vous! Juun

“Ame e itre xaa ijin, kola nyithupene la itre hmi pine la itre huliwa celë, tune la bapataiso me faipoipo me hnëmec. Hapeue la mekuna i epun, ka meköti kö lai? [Nue pi troa sa.] Hanawange la itre hna amekötine celë, hnei Iesu hna hamëne kowe la itretre drei nyidrë. [E jë la Mataio 10:7, 8b.] Kola amamane hnene la hna cinyihane celë la mekuna ne la Tusi Hmitrötr göi troa nyithupene la itre huliwa i hmi.” Amamane jë la hna cinyihane ngöne la götrane 22.

La Tour de Garde 1 Julai

“Nyimutre la itre atr ka qaja, ka hape, ame la Kapucatin Asë, tre, Akötresieti hi. Ngo atre fe hi epuni laka Tusi Hmitrötre a qaja koi së la sipu ëje i Akötresie? [Nue pi troa sa. Thupene lai, e jë la Isaia 42:8a.] Kola qaja hnene la hna cinyihane celë la kepin matre hna köletrij la ëje i Akötresie qa hnine la itre xaa Tusi Hmitrötr, memine la aliene la troa atre Akötresie jëne la ëje i Nyidrë.”

Réveillez-vous! Julai

“Hnene laka kola elë la thupene mo, ene pe kola hnehengazo menu enehila la itre atr. Kola seseu la itre atr ka pë huliwan, nge kola xou la itre ka trene huliwa wanga luuzi pi la huliwa i angatr. Hapeue la mekuna i epun, tro kö la eamo ka lolo celë a xatua së troa cile kowe la itre jole cili? [E jë la Mataio 6:34. Nue pi troa sa.] Kola hamëne hnene la hna cinyihane celë la itre xaa aqane troa huliwane hnyawa la manie së memine la aqane troa xomehnöthe la itre aliene hni së.”