Itre Hna Amekötiin

◼ Itre itus nyine troa tro fë ngöne la treu Febuare: Tro fë jë la itus Jëne Madrine Kowe La Fami. Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Eiperem Me Mei: Tro fë jë la lue zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka sine la Drai Ne Amekunën maine kolo itre ka nanazij, tre, loi e tro sa catre thele troa tro fë la itus Ini Tusi Hmitrötr. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine la itre atr jëne la itusi cili.

◼ Ame la taan la cainöj ka ketre pengön koi nöjei atr hna hnëkën thatraqane la hneijine ne la Drai Ne Amekunën 2011, tre, “Hapeu, Ijije Kö Tro La Itre Trepene Meköt Qa Hnine La Tusi Hmitrötr a Xatua Së Troa Cile Kowe La Itre Jole Ka Eje Enehila?”

◼ Pëkö icasikeu hna troa kuca ngöne la ijine cili, ngo ijije hi troa eköthe la itre icasikeu göi cainöje trootro e hmakany ne la Drai Ne Amekunën, e Sabath 17 Eiperem. Maine hetrenyi la itre ekalesia ka icasikeu ngöne la drai cili, loi e troa kötrëne ej kowe la ketre drai ne la wiik. Maine nyimutre la itre ekalesia ka icasikeu ngöne la ca Uma Ne Baselaia nge thatreine kö troa eköthe hmaca la ketre icasikeu, haawe, maine jë thaa tro pë hë a kuca la icasikeu cili. Ame ngöne la itre götrane cili, kola ithuecatre kowe la itre fami troa ce wange la Ini Ne La Tour de Garde (Ita Ne Thup) ngöne la heji ne Hmi Ne La Hnepe Lapa i angatr.