Itre Hna Amekötiin

◼ Itre itus nyine troa tro fë ngöne la treu Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Eiperem Me Mei: Tro fë jë la lue zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka sine la Drai Ne Amekunën maine kolo itre ka nanazij, tre, loi e tro sa catre thele troa tro fë la itus Ini Tusi Hmitrötr. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine la itre atr jëne la itusi cili. Juun: Nemene La Nyipi Ini Hna Hamën Hnei Tusi Hmitrötr? Maine pena la itus Les jeunes s’interrogent — Réponses pratiques, Volume 1.

◼ Ame la easa cainöj kowe la ketre atr ka qene Sinoa, loi e tro sa amamane koi angeic la itus hna hape, Une bonne nouvelle pour des gens de toutes nations, ngöne la itre götrane hna hape, Chinois (CH) me Chinois simplifié (CHS), matre troa wange la qene hlapa hnei angeice hna ajane troa e. Ame la itre atr ne Hong Kong me Taiwan, tre, angatr a e la itre aqane cinyihan ka hekö, laka hna hëne ka hape, “Chinois” (CH); nge ame pë hë lo angetre Caina, tre, hnei angatre hna majemine troa e la itre aqane cinyihan hna ahmaloeën, hna hape, Chinois simplifié (CHS). Ngo ame göne la itre itusi së hna amë hnine video maine kaset, tre, loi e tro sa xome hnyawa la itre hna ujën ngöne la qene hlapa hna ithanatane me hna trotrohnine hnyawa hnene la atr. Ame la itre atr qaa Caina me Taiwan, tre, trotrohnine hnyawa hi angatr la qene Sinoa (hna hape fe, Mandarin) (CHM), nge ame pena la angetre Hong Kong, tre, trotrohnine hi angatr la Qene Sinoa (hna hape fe, Cantonese) (CHC).

◼ Kola troa ce wange ngöne la ijine Icasikeu Ne La Huliwa ne Ogas la video, hna hape, Les Témoins de Jéhovah : organisés pour proclamer la bonne nouvelle. Maine kola ajan, tre, loi e troa canga komadëne itre ej jëne la ekalesia.