Itre Hna Amekötiin

◼ Itre itus nyine troa tro fë ngöne la treu Eiperem Me Mei: Tro fë jë la lue zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka sine la Drai Ne Amekunën maine kolo itre ka nanazij, tre, loi e tro sa catre thele troa tro fë la itus Ini Tusi Hmitrötr. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine la itre atr jëne la itusi cili. Juun: Nemene La Nyipi Ini Hna Hamën Hnei Tusi Hmitrötr? Maine pena la itus Les jeunes s’interrogent — Réponses pratiques, Volume 1. Julai: Troa tro fë la itre boroshür ka 32 lao götran: E Meci Hë La Atr Hne Së Hna Hnim, me Hapeu Akötresie a Hane Kukehni Së?, me Itre Ua Ne La Itre Ka Meci Hë — Hapeu, Atreine Kö Angatre Troa Xatua Epun, Maine Troa Akötrë Epuni Pena? Ketre, Itre Ka Mele Kö Angart?, me Nemene La Pengö Së Ngöne La Easë a Mec?

◼ Maine jë troa saze la porogarame ne la itre icasikeu qëmekene la wiike ne la kovasio ne distrike i epun, matre troa wange hmaca la itre eamo me itre nyine amekunëne göi troa sine la kovasio. Cas maine lue treu thupene la hna kovasio, tro hmaca a amexeje la itre mekun qa ngöne la kovasio, ka troa xatuane la itre trejin ngöne la huliwa ne cainöj.

◼ Qaane e Mei, tro la nöjei ekalesia asë a xome la pane Mecixen ne la nöjei treu, matre troa thele troa nyiqaane inine la Tusi Hmitrötr memine la itre atr. Kola xatua së troa ujë tune lai, hnene la hna cinyihan ngöne La Tour de Garde, hna hape, Ce qu’enseigne la Parole de Dieu (Ini Hna Hamën Hnene La Wesi Ula i Akötresie). Ame ngöne la pune la itre Huliwa Ne Baselaia, hetrenyi la itre aqane nyiqaane ithanata hna kuca thatraqane la treu ka troa xulu, tune mina fe la itre xaa mekun nyine xatua së troa nyiqaane inine la Tusi Hmitrötr memine la itre atr ngöne la pane Mecixen.

◼ Loi e e troa nyiqaane amacane la itre nyima 8 me 109, ke kola troa ce thinge itre ej ngöne la Drai Ne Amekunën.