Itre Ithuemacanyi Koi Së

◼ Itre itus nyine troa tro fë ngöne la treu Mei: Troa tro fë la itre zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka sine la Drai Ne Amekunën maine kolo itre ka nanazij, tre, loi e tro sa catre thele troa tro fë la itus Ini Tusi Hmitrötr. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine la itre atr jëne la itusi cili. Juun: Nemene La Nyipi Ini Hna Hamën Hnei Tusi Hmitrötr? Maine pena la itus Les jeunes s’interrogent — Réponses pratiques, Volume 1. Julai Me Ogas: Troa tro fë la itre boroshür ka 32 lao götran: E Meci Hë La Atr Hne Së Hna Hnim, me Hapeu Akötresie a Hane Kukehni Së?, me Itre Ua Ne La Itre Ka Meci Hë — Hapeu, Atreine Kö Angatre Troa Xatua Epun, Maine Troa Akötrë Epuni Pena? Ketre, Itre Ka Mele Kö Angatr?, me Nemene La Pengö Së Ngöne La Easë a Mec?

◼ Qaane lo treu Juun, loi e troa thele hnene la itre ekalesia asë troa nyiqaane inine la Tusi Hmitrötr ngöne la pane mecixeni ne la treu. Maine hetrenyi thei nyipunie la itre zonal hna hape La Tour de Garde lo hna cinyihane ka hape “Ce qu’enseigne la Parole de Dieu”, tre xome jë matre troa nyiqaane ini Tusi memin. Ame ngöne la tröne la nöjei Huliwa Ne Baselaia, tre, hetrenyi la itre aqane tro fë ka hmaloi hna hnëkëne thatraqane la treu; nge hetrenyi fe la ketre ixatua göi troa nyiqaane inine la Tusi Hmitrötr ngöne la pane mecixen.