Itre Aqane Nyiqane Ithanata

Aqane Troa Nyiqane Inine La Tusi Hmitrötr Memine La Itre Atr Ngöne La Pane Mecixeni Ne Semitrepa

“Kola thithi o drai hnene la nöjei pengöne atr ka isa hmi kö. Hapeue la mekuna i epun, Akötresieti kö a drenge me kapa la nöjei thithi asë?” Nue pi troa sa. Thupene lai, amamane jë koi angeic la zonal La Tour de Garde ne 1 Semitrepa, nge ce wange jë la itre mekun ka eje fene la pane mekune ka tru ngöne la götrane 16, nge xome jë la ketre xötre hna hamëne hë. Hamëne pi la itre zonal, nge thele jë troa bëeke hmaca troa ce ithanatane la mekune ka sa la ketre hnying.

La Tour de Garde 1 Semitrepa

Amamane jë la icetröne la zonal, nge hnyinge jë, ka hape: “Tro epuni a sa tune ka la hnyinge celë? [Nue pi troa sa.] Hanawange la hna qaja hnene la Tusi Hmitrötr. [E jë la 1 Ioane 5:19.] Thenge la xötre celë, ame la ka musinëne la fen, tre, ene la “ate ka ngazo,” lo Diabolo. Ngo kolo lai a amejëne la itre xa hnying. Ka qa ka lae Diabolo? Hapeu, ka mele kö angeic? Uti hë eue la tro Akötresieti a nue angeic troa musinëne la fen? Kola amamane hnene la zonale celë la mekuna ne la Tusi Hmitrötr.”

Réveillez-vous! Semitrepa

“Nyimutre enehila la itre atr ka hnehengazo pine la itre ejolene göi mani. Ame koi epun, pine nemene matre jole koi së enehila troa hetrenyi la itre ewekë ka sisitria thatraqane la mel? [Nue pi troa sa.] Eje e hnine la Tusi Hmitrötr la itre mekune ka inacaman ka troa xatuane la itre atr troa eköthe hnyawa la manie i angatr. [E jë la ca xötr ka eje ngöne la itre götrane 8-9.] Kola hamëne hnene la hna cinyihane celë la itre xa mekun ka troa xatuane la itre atr ka isi memine la itre gufa i angatr.”