Itre Aqane Nyiqane Ithanata
Aqane Troa Nyiqane Inine La Tusi Hmitrötre Memine La Itre Atr Ngöne La Pane Mecixeni Ne Diseba
Ame koi ni, maine jë epuni a kapa la mekune celë, ene laka ame asë hi së, tre, easa aja enehmu. Nemene la thina ka sisitria hnei epuni hna thele thene la ketre enehmu? [Nue pi troa sa.] Hanawange la hna qaja e celë göne la kepine matre loi e tro sa iëne hnyawa la itre enehmu së.” Amamane jë kowe la atr cili la zonal La Tour de Garde ne 1 Diseba, nge ce e jë me ce ithanatane la itre mekun ka eje fene la pane mekune ka tru ngöne la götrane 16. E jë fe la ketre xötr hna hamëne hë. Hamëne pi la lue zonal, nge thele jë troa bëeke hmaca matre troa sa la ketre hnying.
La Tour de Garde 1 Diseba
“Hane kö epuni thele la kepine matre nyimutre la itre hulö ka traqa enehila ngöne la hneijine së? [Nue pi troa sa.] Hanawang, hnei Tusi Hmitrötre hna ahnithe amë hë la ketre hneijine hna nyihatrene hnene la nöjei pengöne hulö. [E jë la Mataio 24:7, 8.] Kola sa hnene la hna cinyihane celë la itre hnyinge celë: Pine nemene matre nyimutre la itre hulö ka traqa enehila? Hapeu, itre ewekë lai ka amamane laka hna ëji së hnei Akötresie? Nemene la itre kepine matre ka xecie koi së laka, calemi hë tro Akötresieti a apëne la itre hulö.”
Réveillez-vous! Diseba
E jë la 2 Timoteo 3:16. Thupene lai, qaja jë ka hape: “Hetrenyi la itre atr ka kapa laka, ame la Tusi Hmitrötr, tre, qathei Akötresie, ngo ame pe kö la itre xan, tre, tha kapa kö angatre la mekune cili. Nemene fe la mekuna i epun? [Nue pi troa sa.] Isazikeu la itre mekune hna hamëne ngöne la götrane cili, ke, ame koi angatre, pëkö ca itus ka ijije troa cile huti uti hë enehila, nge nyimutre pe la itre atr ka thele troa apatrene ej. Kola qaja hnene la hna cinyihane celë la itre aqane thele la itre atr ngöne la itre macatre ka ca hadredr, troa apatrene la Tusi Hmitrötr, me wathebone troa e ej. Nge kolo mina fe a qaja la kepine matre hna cile huti la Tusi Hmitrötr.”