Ithuemacany

◼ Febuare: Troa tro fë la itus Jëne Madrine Kowe La Fami Maac: Troa tro fë la itus Nemene La Nyipi Ini Hna Hamën Hnei Tusi Hmitrötr? Thele jë troa nyiqane inine la Tusi Hmitrötre memine la itre atr ngöne la kola xötrei ithanata me angatr. Maine hetrenyi hë la itusi cili thene la atrene la hnalapa nge xele angeice ma inine la Tusi Hmitrötre hawe, loi e tro la itre ka cainöje a hamëne la ketre zonale hne së hna kapa ha, maine pena, ketre boroshüre ka ihmeku hnyawa memine la itre aja i angeic. Eiperem Me Mei: Troa tro fë la lue zonale La Tour de Garde me Réveillez-vous ! Maine hetre hni ne ajane ketre, hamëne jë la tarak Ajane Kö Nyipunieti Troa Atre La Nyipici? nge thele jë troa nyiqane inine la Tusi Hmitrötr me angeic. Ame ngöne la easa troa wange hmaca la itre ka nanazij memine la itre xa atr ka hane sine la Drai Ne Amekunën me itre xa icasikeu ka tru, thele jë së troa inine la Tusi Hmitrötre me angatre jëne la itus Ini Tusi Hmitrötr. Juun: Troa tro fë la itus Nemene La Nyipi Ini Hna Hamën Hnei Tusi Hmitrötr? Thele jë troa nyiqane inine la Tusi Hmitrötr memine la itre atr ngöne la kola xötrei traqa. Maine hetrenyi hë la itusi cili thene la atrene la hnalapa nge xele angeice ma inine la Tusi Hmitrötr, hawe, loi e tro la itre ka cainöj a hamëne la ketre zonale hne së hna kapa ha, maine pena la ketre boroshüre ka ihmeku hnyawa memine la itre aja i angeic.

◼ Ame la tane la cainöje hna troa cile fë ngöne la pune wiike thupene la Drai Ne Amekunën, tre, kola hape: “Hapeu, Ame Koi Nyipunie Tha Ijine Hmaca Kö?”

◼ Maine epuni a mekune troa ngenu ngöne la ketre nöje nge tha öhne kö epuni la ëje ne la nöje cili ngöne la rapor ne cainöj ne la macatre ka ase hë, maine ngöne la götrane tixenuë ne la Annuaire hna kapa pinëne pena, hawe, loi e tro epuni a hëne la Bethela, matre atrepengöne jë epuni la itre ithuemacanyi ka sisitria nyine tro epuni a wangatrun. Maine jë hetre itre wathebo hë ngöne la nöje cili ka ami ifego ngöne la aqane troa tro fë la huliwa ne la Baselaia. (Mat. 10:16) Ame ngöne la itre xa nöj, ma ngazo troa thele hnene la Itretre Anyipicine i Iehova ka ngenu, troa iöhnyi memine la itre trejine me angatr e cili. Ketre, ma tro fe la Bethela a hamëne koi epuni la itre xa ithuemacany göne la troa cainöj e cahu gojenyi maine pena göne la aqane troa tro fë la itre itus. Maine tro epuni a drengethenge la itre hna amekötine celë, eje hi lai laka, tha tro kö a traqa koi epuni elany la itre jole ka pë pengön; ketre, tha tro fe kö epuni elanyi a hane nyi ejolene la aqane troa tro fë la huliwa ne Baselaia hnene la itre trejine me epun, ka mele ngöne la nöje hnei epuni hna ihamë ngön.—1 Kor. 14:33, 40.