Ithuemacany

◼ Juun: Troa tro fë la itus Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötre memine la itre atr ngöne la kola xötrei ithanata me angatr. Maine hetrenyi hë la itusi cili thene la atrene la hnalapa nge xele angeice ma inine la Tusi Hmitrötr, haawe, loi e tro la itre ka cainöje a hamëne la ketre zonale hne së hna kapa ha, maine pena, ketre boroshüre ka ihmeku hnyawa memine la itre aja i angeic. Julai Me Ogas: Troa tro fë la itre boroshür ka 32 lao götran: [Hane cahu hna e wengën.] Ame la easa wange hmaca la ketre atr, tro sa tro fë la itus Ini Tusi Hmitrötr, maine pena la boroshüre hna hape, Drei Akötresieti Jë Matre Mele Epine Palua, me thele troa inine la Tusi Hmitrötre me angeic. Nemene La Pengö Së Ngöne La Easë a Mec?; E Meci Hë La Atr Hne Së Hna Hnim; Itre Ua Ne La Itre Ka Meci Hë−Hapeu, Atreine Kö Angatre Troa Xatua Epun, Maine Troa Akötrë Epuni Pena? Ketre, Itre Ka Mele Kö Angatr?; Ijije Fe Tro Nyipunie a Ce Sinee Me Akötresie!; Hapeu, Akötresie a Hane Kukehni Së?, Itretre Anyipici Iehova?–Nemene La Pengö i Angatr? Nemene La Itre Ini Hnei Angatr Hna Lapaune Kow? Semitrepa: Lue zonal Tour de Garde me Réveillez-vous! Ame ngöne la kola iwai hmaca, xome jë la itus Ini Tusi Hmitrötr, nge maine kola mama laka ka nyipi ewekë kö kowe la atr la boroshür Drei Akötresieti jë Matre Mele Epine Palua, tupathe jë troa nyiqaane inine la Tusi Hmitrötre me angeic.

◼ Kola troa ce ithanatane la video Toute la communauté des frères, ngöne la Icasikeu Ne La Huliwa ka troa xulu. Maine ijij, loi e troa canga wang maine hetrenyi petre kö hnine la ekalesia.