Revizio Ne La Ini Ne Cainöj Qaathei Akötresie

Troa ce ithanatane cahu itre hnying ngöne la kola troa sine la Ini Ne Cainöj Qaathei Akötresie, e 31 Diseba 2013 me wiike cili. Hna hamëne fe lo itre wiike ne easa ithanatane cahu itre mekune ngöne la ini, matre hmaloi troa thele mekune ngöne itre itus, ngöne la kola isa hnëkë.

1. Nemene la aqane eatre la hna perofetane ngöne Ioela 2:1-10, 28 göne lo kola haöthe la nöje hnene la itronge i itre sipa? [5 Nof., w07 1/10 g. 13 par. 1]

2. Kola eatre koi drei la Amosa 8:11, nge nemene la nyine tro sa isa hnyingë së kö pine laka easa enehila hnine la mana ngöne la götrane la ua? [12 Nof., jd g. 60-61 par. 9]

3. Hnei nemene matre pi tru jë hnene la angetre Edoma, nge nemene la ewekë tha nyine tro pi kö sa thëthëhmin? (Obad. 3, 4) [19 Nof., w07 1/11 g. 14 par. 1]

4. Nemene la aliene la hna qaja ka hape, Iehova a ietrane la ngazo, ene lo hnei Nyidrëti hna qaja troa kuca kowe la angetre Nineve? (Iona 3:8, 10) [19 Nof., w07 1/11 g. 14 par. 14]

5. Tro la aqane ce tro së memine la atresiwa i Akötresie a acatrene tune kaa la aqane imelekeu së me Nyidrë? (Mika 4:5) [26 Nof., jd g. 88 par. 12]

6. Nemene la hna anyipicine koi së hnene la kola eatre la hna perofetane hnei Nahuma 2:6-10? [3 Dis., w07 15/11 g. 9 par. 2; w88 15/2 g. 28 par. 7]

7. Nemene la aliene la hna qaja hnei Hagai 1:6, nge nemene la ini nyine tro sa amë e kuhu hni së? [10 Dis., w06 15/4 g. 22 par. 12-15]

8. Nemene la aqane troa trongëne la eamo ngöne Zakaria 7:10, lo hna hape, tha tro kö sa “mekune e kuhu ite hni [së] la ngazo i kete ate”? [17 Dis., jd g. 113 par. 6; w07 1/12 g. 11 par. 3]

9. Pine nemene matre kola ithuecatrene la itre hlue i Iehova enehila hnene la itre ithanata i Zakaria 4:6, 7? [17 Dis., w07 1/12 g. 11 par. 1]

10. Thenge la hna qaja ngöne Malaki 3:16, pine nemene matre tha tro pi kö a ananazijëne la trenge aja së troa nyipici pala hi koi Akötresie? [31 Dis., w07 15/12 g. 29 par. 3]