Itre Aqane Nyiqaane Ithanata

Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Ogas

“Ala nyimu la itre atr hne huni hna porotrike memin, nge ame la aja i angatr, tre ene la troa tingetinge la fen. Ngo hetre isi pala hi. Ame koi epun, hnauëne laka jole troa hetre tingeting e celë fen?” Nue pi troa sa. Amamane jë la tane mekune ngöne götrane 10 ne la Ita Ne Thup ne Julai–Semitrepa, nge ce ithanatane jë la itre mekune ne la pane hnying, nge hane ju fe la ca xötr. Line pi hë la itre zonal, nge sipone jë troa bëeke hmaca troa ithanatane la ketre hnying.

Ithuemacany: Loi e troa iamacanyine la aqane tro fë itusi celë, ngöne la ijine icasikeu thatraqane la huliwa ne cainöj, e drai 3 Ogas.

Ita Ne Thup Julai–Semitrepa

“Hetre itre ini nyine tro sa xome qa ngöne la tulu ne la itre trahmanyi me föe ekö. Nemene fe la mekuna i epun? [Nue pi troa sa.] Kola amamane hnene la xötre celë la ketre atr ka tru, atre ‘ce tro memine la Nyipi Akötresie.’ [E jë la Genese 6:9.] Kola amamane hnene la zonale celë la kepine matre Akötresieti a goeë angeic ceitu me ka ‘nyipi loi,’ nge kolo fe a qaja la itre ini nyine tro sa xom qa ngöne la tulu i Noa.” Fe pi la zonale ngöne götrane 12.

Réveillez-vous! Ogas

“Aja i nöjei atr asë hi troa mele aqeany. Ame koi epun, tre ijije kö tro sa mele aqeany, jëne la itre jia ne huliwa ka hnyipixe hna kuca hnei sias? [Nue pi troa sa.] Maine jë tro epuni a sesëkötre pine la ewekë hna thingehnaean e celë. [E jë la 1 Korinito 15:26.] Matre hapeu, tro kö Akötresieti a nyi jëne la sias, maine ketre ewekë ju kö, matre troa traqa kowe la ewekë celë? Nge hnauëne laka, tru jë hi së enehila a qatr me mec? Tro la zonale celë a amamane la aqane sa hnei Tusi Hmitrötre la itre hnyinge celë.”