Aqane Troa Maca Ngöne La Hna Cainöj​—Huliwane Hnyawane Jë La Itre Hnying

ENYIPIEWEKËN: Maine itre “mekun’ e kuhu hni ne la ate, te, timi ka jui” haawe, ame la itre hnying, tre, kösë itre baketr hna jöe alien. (Ite edomë 20:5) Itre hnying a xatua së troa atre la mekuna ne la itre atr ka drei së. Loi e tro sa hnëkëne hnyawa la itre hnying ke, celë hi lai ka troa thue aja kowe la atr. Tui Iesu, lolo catr la aqane huliwane nyidrëti la itre hnying. Tune kaa la aqane tro sa nyitipu nyidrë?

AQANE TROA KUCA:

• Troa hnyingëne la mekuna ne la atr. Nyimutre la itre hnying hnei Iesu hna qaja kowe la itretre drei nyidrë, matre troa atre la mekuna i angatr. (Mat. 16:13-16; be-F 238 par. 3-5) Nemene la nyine tro sa hnyingëne kowe la itre atr?

• Troa hnying meköti kowe la atr. Hnei Iesu hna anyimua hnying koi Peteru, me hamë angeic la itre xa mekun, matre troa xatua angeic troa sa la hnying, me amekötin la mekuna i angeic. (Mataio 17:24-26) Nemene la aqane tro sa hnying, matre aijijëne la atr troa sa hnyawa lai hnying?

• Troa qaja aloine la atr. Hnei Iesu hna qaja aloinyi la atre cinyihan, ngöne la angeic a ‘sa mekötine’ la hnyinge i nyidrë. (Mar. 12:34) Tro sa qaja aloine tune kaa la ketre atr ka sa la hnyinge së?

GOEËNE JË LA PANE GÖTRANE LA VIDEO HNA HAPE, TROA SISEDRËNE LA HULIWA I IESU, ENE LA TROA HAMË INI. THUPENE LAI, SA JË CAHU ITRE HNYING:

• Ngacama ka nyipici hi la hna qaja, ngo hnauëne matre tha ka loi kö la aqane hamëne la ini?

• Pine nemene matre tha tro kö sa qejepengöne hmekuje hi la itre ithuemacany?

GOEËNE JË LA HNAALUENE GÖTRANE LA VIDEO HNA HAPE, TROA SISEDRËNE LA HULIWA I IESU, ENE LA TROA HAMË INI. THUPENE LAI, SA JË CAHU ITRE HNYING:

• Pine nemene matre ka loi hi la aqane huliwane lai trejine la itre hnying?

• Nemene la itre xa aqane hamë ini ka loi hne së hna troa nyitipun?