Nemene Jë La Mekuna i Iehova?

Qëmekene tro sa axeciëne mekun, ka tru maine ka co, pane hnyinge jë ka hape, ‘Nemene jë la mekuna i Iehova?’ Thatre kö së la nöjei mekuna i Iehova, ngo, hnei Nyidrëti hna amamane la ka ijije koi së jëne la Tusi Hmitrötr, matre tro sa atreine kuca “la nöjei huliwa ka loi.” (2 Tim. 3:16, 17; Rom. 11:33, 34) Tha ka sihngödri kö koi Iesu la aja i Iehova, nge celë hi ka tro pa ngöne la mele i nyidrë. (Ioane 4:34) Easa nyitipu Iesu la easa kuca asë la hne së hna atreine matre axeciëne la itre mekun ka troa amadrinë Iehova.—Ioane 8:28, 29; Efe. 5:15-17.

GOEËNE JË LA VIDEO HNA HAPE, THELE CATRENE JË TROA TROTROHNINE LA AJA I IEHOVA (LEV. 19:18), THUPENE LAI, SA JË CAHU ITRE HNYING:

• Pine nemene matre nyipiewekë tro sa trongëne la itre trepene meköt ngöne la mele së?

• Nemene la itre trepene meköt ka troa xatua së troa axecië mekun göi miuzik?

• Nemene la itre trepene meköt ka troa xatua së troa axecië mekun göi iheetr me aqane isej?

• Nemene la aqane tro sa trongëne la itre trepene meköt ngöne la itre xaa götrane la mele së?

• Nemene la nyine tro sa kuca matre tro sa atre la aja i Iehova koi së?