“Trije Pi La Itre Haze Wanaithihlë”

Ka xecie koi Iakobo laka, aja i Iehova tro sa nyihlue i Nyidrëti hmekuje hi, ngacama pë pala kö wathebo hnei Nyidrëti hna hamën göi kuci idrola. (Eso. 20:3-5) Celë hi matre, thupene la Iehova a upi angeic a tro Bethela, hnei Iakobo hna thuecatrene la lapa i angeic troa trij la itre idrola. Thupene lai, hnei Iakobo hna xome la itre idrola, ene mina la itre ane hnangenyë hna huliwane nyine idrola, me trij asë itre ej. (Gen. 35:1-4) Tha luelue kö së laka, Iehova a madrine kowe la itre huliwa i Iakobo.

Ame enehila, nemene la aqane tro sa nyihlue i Iehova hmekuj? Ame la pane ewekë, nyipiewekë catr tro sa nuetrij la kuci idrola me kuci iöni. Kolo lai a hape, tro sa trij asë la itre ewekë hna xome göi kuci haze, me waipengöne hnyawa la itre nyine iamadrinë së. Isa hnyinge jë ka hape: ‘Eni kö a ajane troa e la itre itus, maine goeëne la itre film ka amamane la itre vampires, me zombies, maine xaa aqane kuci haze? Kolo kö a mama ngöne la itre nyine iamadrinë laka, ka pë pengöne la troa kuci magie, maine angazonyi ketre, maine ejin?’ Nyipiewekë tro sa lapa iananyi memine la itre ewekë hnei Iehova hna sisiny.—Sal. 97:10.

GOEËNE JË LA VIDEO “ICILEKEU JU ME DIABOLO,” NGE SA JË CAHU ITRE HNYING:

• 

  Nemene la jol hna cile kow hnei Palesa, ketre föe ka ini Tus?

• 

  Pine nemene matre nyipiewekë troa thele ixatua thene la itre qatre thup, e hetre atr hnei epuni hna atre, maine ka ini Tus ka cile kowe la kuci iöni?

• 

  Maine aja së tro Iehova a thupë së, nemene la itre ewekë nyine tro sa trij?

• Nemene la hna kuca hnei Palesa?

• Nemene la aqane troa lepetrij la iajojezi ne la itre dremoni, ngöne la götrane i epun?