Köni Aqane Tro Sa Qale Koi Iehova

Hnene la mene i Iehova matre hnei Davita hna lepi Goliatha. (1Sa 17:45) Aja i Iehova troa amamane la trengecatre i Nyidrë kowe la itre hlue i Nyidrë. (2Aq 16:9) Loi e tro sa mejiune kowe la ixatua i Iehova, ngo tha tro kö sa mejiun kowe la sipu inamacane së! Hane hi la köni aqane troa kuca:

• Troa catre thith. Tha tro hmekuje kö sa thith matre seng la itre ngazo së, ngo loi pe tro sa sipo ixatua matre cil kowe la itre itupath. (Ma 6:12, 13) Tha tro hmekuje kö sa sipo Iehova troa amanathithin la mekun hne së hna axeciën. Ngo loi pe tro sa sipo inamacan qëmeken troa axecië mekun.—Ia 1:5

• Troa e me inine lapane la Tusi Hmitrötr. E jë la Tusi Hmitrötr e nöjei drai. (Sa 1:2) Lapa mekune jë la itre tulu ne la itre hlue i Iehova ekö, nge nyitipu angatre jë. (Ia 1:23-25) Hnëkë jë qëmekene troa cainöj, nge the mejiune kö kowe la hnei eö hna atrein. Tro sa kepe thangan la itre icasikeu, e tro sa hnëkë hnyawa

• Drengethenge jë la organizasio i Iehova. Loi e troa atre la itre hna amekötine ka hnyipixe qaathene la organizasio i Iehova, me canga trongën. (Nu 9:17) Loi e tro sa drengethenge la itre eamo me itre hna amekötin qaathene la itre qatre thup.—He 13:17

GOEËNE JË LA VIDEO HNA HAPE, THE XOUE KÖ QËMEKENE LA ICILEKEU, NGE SA JË CAHU ITRE HNYING:

• Nemene la itre ewekë ka axouene la itre trejin?

• Nemene la ka xatua angatr troa elë hune la xou?