Mekun Palahi Së?
Hnei epuni kö hna e la itre Ita Ne Thup ne la macatre celë? Atreine kö epuni sa la itre hnyinge celë:
Kola hapeu la troa “ahnyipixene la aqane mekun i nyipunie”? (Rom. 12:2)
Tha tro hmekuje kö së a kuca la itre huliwa ka loi. Ame la troa ahnyipixen la aqane mekune së, ke kola pane waipengö së kö, me amekötine la itre thiina së matre ihmeku memine la itre trepene meköti Iehova.—w23.01, g. 8-9.
Nemene la aqane tro sa waiewekë qëmekene la itre ewekë ka traqa ngöne la fen?
Easa öhne ngöne la itre ewekë ka traqa enehila laka, kola eatr la itre hna perofetan hnei Tusi Hmitrötr. Ngo tha easë kö a hane qeje mekun, wanga thë pi la cas ne la ekalesia. Easë pe a ithanatan la itre ewekë hna qaja hnene la organizasio i Iehova. (1 Kor. 1:10)—w23.02, g. 16.
Nemene la eisapengönene la bapataiso i Iesu memine la bapataiso së?
Tha nyipiewekë kö tro Iesu a nue mel koi Iehova tui easë, ke hna hnaho nyidrë e hnine la nöje Isaraela, nöje hnei Iehova hna iën. Nge tha nyipiewekë kö koi Iesu troa ietra, ke atre ka pexeje nyidrë nge ka pë engazon.—w23.03, g. 5.
Tro sa xatuane tune kaa la itre xan troa hamë mekun ngöne la itre icasikeu?
Troa ahopatrene la itre mekun hna hamën. Matre aijijëne la itre xan troa hamë mekun. Tha tro kö a qaja asë la itre mekun ngöne la paragaraf. Matre tro fe itre xan a hane qaja la itre xaa mekun.—w23.04, g. 23.
Nemene la “Gojenyi Ka Hmitöt” hna qaja ngöne Isaia 35:8?
Ame ekö, kola qaja la gojenyi ka tro qa Babulona a tro Isaraela. Nge ame enehila ke? Qëmekene la macatre 1919, hna pane jë la gojeny, jëne la huliwa ne ujë qene hlapa me feja itus. Ame la “Gojenyi Ka Hmitöt” hna trongëne hnene la itre hlue i Akötresie, ke kola xomi angatr kowe la paradraiso ka ketrepengön. Celë hi ka aijijë angatr troa kapa la itre manathith qaathene la Baselaia.—w23.05, g. 15-19.
Drei la lue föe hna qaja ngöne Ite Edomë mekene 9, ka hamëne la itre eamo kowe la itre hlue i Akötresie?
Ame ngöne la mekene celë, kola qaja la ketre “föe ka hmo.” Ame la ihë i angeic, ke kola troxomi së kowe la mec. Nge ame la “nyipi inamacan” ke, hna nyihatren hnene la ketre föe ka hë së kowe la ‘jëne inamacan’ me mel. (Ite edomë 9:1, 6, 13, 18)—w23.06, g. 22-24.
Kola mama tune kaa la ipië i Iehova, me aqane tulu ewekë i Nyidrë ngöne la aqane ujë i Nyidrë koi Lota?
Hnei Iehova hna upi Lota troa kötr qa Sodroma kowe la itre wetr. Ngo ame la Lota a sipo Nyidrë troa kötr a tro Zoara, ke hnei Nyidrëti hna kapa.—w23.07, g. 21.
Nemene la nyine tro la föe a kuca e kola goeë pornographie hnene la föi angeic?
Tha tro kö la föe a upezö angeice kö. Loi e tro pe angeic a acatrene la aqane imelekeu i angeic me Iehova, me lapa mekun la tulu ne la itre föe ne la Tusi Hmitrötr, hnei Akötresie hna xatuan. Loi e tro fe angeic a xatuan la föi angeic matre troa neën la itre ijin tro nyidrë a goeë pornographie.—w23.08, g. 14-17.
Tune kaa la aqane tro la inamacan a xatua së troa sa amenyiken la kola qaja angazone la hmi së?
Ame la kola hnying hnene la atr, tha tro kö sa canga mekun ka hape, angeic a thele iwesitrë. Loi e tro pe sa thel troa atre la mekuna i angeic me itre aja i angeic. Celë hi ka troa xatua së troa sa amenyiken.—w23.09, g. 17.
Nemene la ini hne së hna xom qa ngöne la aqane catr Maria?
Thupene la kola thuemacanyi Maria ka hape, tro angeic a hnahone la Mesia, hna ithuecatre koi eahlo hnene la itre hlue i Akötresie. Hnei Gaberiela me Elizabeth hna ithuecatr koi eahlo troa easenyi koi Akötresie. Loi e tro fe sa thele ixatua thene la itre xaa hlue i Iehova.—w23.10, g. 15.
Tune kaa la aqane sa Iehova la itre thithi së?
Nyidrë a dreng la itre thithi së. Qëmekene troa sa la itre thithi së, Nyidrëti a pane mekun la aja i Nyidrë. (Iere. 29:12) Ngacama casi hi la hna sipon, ngo tha ceitu kö la aqane sa i Nyidrë. Ame pe, Nyidrëti palahi a xatua së.—w23.11, g. 21-22.
Hnauëne laka, kolo hmaca a qeje “mejiune” ngöne Roma 5:4, nge ase hë qaja ngöne la xötre 2?
Ame la kola dreng la maca ka loi hnene la atr, angeic ha nyiqane mejiune kowe la paradraiso e celë fen. Ngo ame la angeic a cil kowe la itre jol, me xomihnin, me öhn laka, kola kepe angeic hnei Akötresie, ke kola acatrene hmaca la mejiune i angeic.—w23.12, g. 12-13.