Itö Ithuecatre Jë

Easa wangatrune la itre ithuecatr hne së hna ce thawa me itre trejin. Ngo ame la troa itö ithuecatr, ke tha tro hmekuje kö së a ce tro lapa me angatr. Tusi Hmitrötr a qaja koi së troa itö ithuecatr, me acatrene la lapaune i ketre me ketre. (Roma 1:​11, 12) Matre tune kaa la aqane tro sa kuca lai?

Troa iëne hnyawan la itre hne së hna troa qaja. Ame ngöne la itre hnë icasikeu, tha tro kö së a qeje së, la easa hamë mekun, ngo loi pe tro sa qaja atrunyi Iehova, me Trengewekë i Nyidrë me itre hlue i Nyidrë. Nge ame la easa porotrik memine la itre trejin, qaja jë la itre ewekë ka troa acatrene la lapaune i angatr.

Ithuecatre jë koi itre xan jëne la itre mekun hna axeciën me aqane ujë i eö. Ngacama itre xan a cile kowe la itre itupath, ngo xecie koi angatr tro pala hi a huliwa i Iehova drai ka pexej. Nge itre xan a sine lapane la itre icasikeu ne nyipine wiik, ngacama tru catre la itre huliwa i angatr koi maseta, maine tru catre la meci angatr.

Eö kö a qaja maine kuca la itre ewekë ka ithuecatr kowe la itre trejin? Hapeu, öhne hi eö la itre hna kuca maine qaja hnene la itre trejin matre ithuecatrenyi eö?