Itre Alien

Ije ewekë hnei eö hna sisinyi fë koi Iehova? Eö kö a nyipici kowe la itre hnei eö hna sisinyi kow? Tune kaa la hnei eö hna sa xepu koi Iehova, memine la hnei eö hna sisinyi göi faipoipo? Ame ngöne la tane mekune celë, tro sa xomi ini qa ngöne la tulu i Iefetha, me Hana, itre ka nyipici kowe la hnei angatr hna sisiny. Tro lai a xatua së troa nyipici kowe la itre hne së hna sisinyi koi Akötresie.

Hne së hna majemine mekune la itre ewekë hne së hna troa kapa qaathei Iehova ngöne la Paradraiso. Ngo, ame ngöne la tane mekune celë, tro sa ce wange la foa lao jol hnei Iehova hna troa apatrene trij, matre tro pe hi a lapa la tingeting, me madrine ngöne la fene ka hnyipixe. Tro lai a acatrene la lapaune së, memine la aja së troa cile hut.

E hne së hna öhn, maine hetre ewekë ka tha meköti kö hna kuca koi së, tro lai a tupathe la lapaune së, memine la thiina ka ipië së, me aqane nyipici së. Troa amamane hnene la lue tane mekune celë, la köni hna melëne hna qaja hnine la Tusi Hmitrötr, nge ka troa xatua së troa xötrethenge la thiina ka meköti Iehova.

Maine nyipici laka, tha ajane kö Iehova la ixatua së, ngo ame pe, Nyidrëti a madrine la Nyidrëti a öhne la itre trengecatre së troa sajuëne la musi Nyidrë. Jëne la tusi Angete Amekötin mekene 4 me 5, tro ha mama koi së ka hape, Iehova a wangatrune la easë nue xanë së kö kowe la huliwa i Nyidrë, me drengethenge la itre hnei Nyidrëti hna amekötin.