Ceitune hi la troa drei keme me thin, memine la troa ti gufa ngöne baak. Troa hmala hnei baak troa hamë mani koi eö, e ka mejiune baak koi eö
KOI ITRE THÖTH
10 Atr Hna Mejiune Kow
ALIEN
Ame la atr hna mejiune kow tre, tha jole kö koi keme me thine i angeic, maine sinee i angeic, me itre sine huliwa troa mejiune koi angeic. Xecie hnyawa koi angatr laka, tro angeic a trongëne hnyawa la itre hna amekötin, me eatrën la hna sisiny, me qaja palahi la nyipici.
ENYIPIEWEKËN
Ame itre xa ijin, kola nue eö troa kuca la mekuna i eö ke, hetre mejiunene hë la itre atr koi eö.
“Tro hë la keme me thine i eö a mejiune koi eö, e mama hnyawa ha koi nyidro laka, macaje hë eö. Ngo, tha ngöne hmekuje kö la eö me nyidro, ngo ngöne fe la itre ijine eö cas.”—Sarahi.
TREPENE MEKÖT NE LA TUSI HMITRÖTR: “Tupathi nyipunieti ju kö.”—2 Korinito 13:5.
NYINE TRO EPUNI A KUCA
Maine eö a ajan troa mejiune koi eö, hane cahu itre mekun ka troa xatua eö.
Nyipici jë. Maine tro eö a lapaa thoi, pë fe kö atr ka troa mejiune koi eö. Ngo, maine tro palahi eö a nyipici, tune la eö a qaja la itre tria i eö, tro hë la itre atr a catre mejiune koi eö.
“Ka hmaloi hi troa nyipici ngöne la itre ijine loi. Maine tro eö a nyipici, ngacama kola qaja angazo eö, tro hë la itre atre a catre mejiune koi eö.”—Keimen.
TREPENE MEKÖT NE LA TUSI HMITRÖTR: “Eëhuni a ajane troa loi thina ngöne la nöjei ewekë asëjëihë.”—Heberu 13:18.
Loi e tro eö a ketre atr hna mejiun kow. Kola mekun laka, ame la hna thel hnene la itre maseta troa huliwa, tre, itre atr ka nyipici. Nyipiewekë tro eö a nyipici enehila, ke, ketre thiina lai ka troa xatua eö ngöne la eö a tru.
“Tha nyipiewekë kö tro kaka me nenë a qaja koi ni la nyine tro ni a kuca. Öhne hi nyidro laka, eni kö a ketre kuca casine la itre jol. Nyidroti a catre mejiune koi ni ngöne la eni a ujë tune lai.”—Sarah.
TREPENE MEKÖT NE LA TUSI HMITRÖTR: “Ini a lapaune la tro eö a dei ni, wangate hmekunë hë ni laka tro eö a kuca asisitiane hune la hnenge hna qaja.”—Filemona 21.
Loi e troa atreine itrotrohni. Ame la eö a tru trootro tre, canga öhne hi la itre atr. Ngo, tha ceitune kö lai memine la eö a macaje trootro. Tha ka canga mama kö kowe la itre atr. Celë hi matre, loi e tro eö a trotrohni angatr.
“Tha tro kö la keme me thine i eö, maine itre xan a mejiune koi eö, e aca amamane hi eö la aqane nyipici eö. Tro angatr a mejiune koi eö, e hnei eö hna anyimua nyipici koi angatr.”—Brandon.
TREPENE MEKÖT NE LA TUSI HMITRÖTR: “Xetëneju nyipunie la . . . xomi hni ahoeany.”—Kolose 3:12.